Chnorpelfisch

Chnorpelfisch
Systematik
Überstamm: Neumüüler (Deuterostomia) Stamm: Chordadier (Chordata) Unterstamm: Wirbeldier (Vertebrata) Überklass: Chiifermüüler (Gnathostomata) Reije: Chondrichthiomorphi Chlass: Chnorpelfisch
Wüsseschaftlige Name
Chondrichthyes
Huxley, 1880

D Chnorpelfisch (Chondrichthyes, vo altgr. Chondros = Chnorpel, Chorn + ichthyes = Fisch) si e Klass vo de Wirbeldier (Vertebrata). Zu ihne ghöre d Haifisch (Selachii) mit mehr als 500 Arte, d Roche (Batoidea) mit über 600 Arte, und die weniger bekannte Seechatze (Chimaeriformes) mit 34 Arte. Dodrmit si öbbe 4 % vo de Fischarte, wo hüt läbe, Chnorpelfisch. Fast alli Chnorpelfisch läben im Meer, nume e baar Haifisch und d Süesswasserstächroche chömmen im Süesswasser vor.

Im Underschiid zu de Chnochefisch bestoht s Skelett vo de Chnorpelfisch us Chnorpel, wo aber wil prismatische Chalch iiglageret isch hochi Festigkeit cha ha. Richtigs Chnochegwäb wird nie bildet. Das isch, näbe der innere Befruchtig dur Klaspere, wo us em mittlere Deil vo dr Buuchflosse bildet isch, und für Chnorpelfisch obligat isch, eini vo de wichtigste Synapomorphie vo dr Gruppe.

• Alfred Goldschmid: Chondrichthyes. In: W. Westheide, R. Rieger: Spezielle Zoologie. Teil 2. Wirbel- oder Schädeltiere. Spektrum, München 2004. ISBN 3-8274-0307-3
• Volker Storch, Ulrich Welsch: Systematische Zoologie. Fischer, 1997, ISBN 3-437-25160-0
• Joseph S. Nelson: Fishes of the World. John Wiley & Sons, 2006, ISBN 0-471-25031-7
• Kurt Fiedler: Lehrbuch der Speziellen Zoologie, Band II, Teil 2: Fische. Gustav Fischer, Jena 1991, ISBN 3-334-00339-6
• Michael R. George, Heike Zidowitz: Checkliste der europäischen Knorpelfischarten mit wissenschaftlichen und deutschen Namen. In: Zeitschrift für Fischkunde, Band 8, Heft 1/2, 15. Oktober 2006, S. 71-81 (PDF)