Guns N' Roses isch en bedütendi Hardrock-Band ändi 80er, afangs 90er gsi.
Sie sind 1985 z' Hollywood z' Kalifornie gründed worde und sind eigentlich en zämeschluss us de Bands Hollywood Rose und L.A. Guns. Nach de EP Live Like A Suicide isch 1987 ihres ersti Album Appetite For Destruction erschine. Di wiitere Albe sind gsi: Gnr Lies (1988), s Doppelalbum Use Your Illusion I & II (1991) und 1995 The Spaghetti Incident, wo nur Covers enthalte hät (vor allem vo Punkbands).
Spöter isch de Steven Adler wäg sinere Heroinsucht us de Band gheit, für ihn isch de Matt Sorum (vorher The Cult) cho. De Izzy Stradlin isch nach de Use Your Illusion Albe usgstiige, will er angeblich nüme im Rampeliächt hätt wele stah, er isch dur de Gilby Clarke ersetzt worde. Spöter sind au de Slash und de Duff usgstige, ab det cha mer fast nüme vo de eigentliche Guns N' Roses rede. De Axl macht bis hüt unterem Name Guns N'Roses witer, mit komplett neue Musiker. De Slash, de Duff und de Matt händ i Zwüscheziit Velvet Revolver gründet.
This article uses material from the Wikipedia Alemannisch article Guns N' Roses, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.