ka
Georgisch ქართული Kartuli | ||
---|---|---|
Verbreitig: | Georgie, Armenie, Aserbaidschan, Griecheland, Iran, Russland, Türkei | |
Sprecher: | 4 Millioone | |
Linguistischi Klassifikation: |
| |
Offizieller Status | ||
Amtssprooch vo: | Georgie | |
Sproochchürzel | ||
ISO 639-1 | ||
ISO 639-2 | (B) geo | (T) kat |
ISO 639-3 | kat |
Die georgischi Sprooch (Äigebezäichnig ქართული ენა kartuli ena) isch d Amtssprooch z Georgie und wird dört vo öbbe 4 Millioone Mensche gschwätzt (Stand 2013).
S Georgische ghöört mit Mingrelisch, Lasisch und Swanisch zu de südkaukaasische Sprooche.
Die georgischi Sprooch wird mit dr Alfabeetschrift Mchedruli gschriibe, wo 33 Buechstaabe het.
S Abläitigssüsteem für Wörter im Georgische isch riichhaltig. Us ere Wurzle und e baar bestimmte Prefix und Suffix cha mä e Hufe Substantiiv und Adjektiiv abläite. Zum Bispil vo dr Wurzle -kart- chömme d Wörter Kartveli (e Georgier), Kartuli (die georgischi Sprooch) und Sakartvelo (Georgie).
S Georgische het im Lauf vo sinere Gschicht 40 Brozänt vo de Leenwörter us em Altgriechische, Latiinische, Franzöösische, Dütsche, Persische, Arabische, Armenische, Russische und (in de letzte Joor) Änglische übernoo.
S Georgische het 18 regionaali Dialäkt, wo in de verschiidene histoorische Regioone vom Land gschwätzt wärde und wo noch iire Äigeschafte in fümf Haupt-Dialäktgrubbe iidäilt wärde, und in äi Soziolekt, s Judäo-Georgische, wo d Sprooch vo de altiigsässene georgische Juude isch.
Äins vo de wichdigste georgische Wörterbüecher isch s «Erkläärende Wörterbuech vo dr georgische Sprooch» (Georgisch: ქართული ენის განმარტებითი ლექსიკონი). Es bestoot us acht Bänd mit öbbe 115'000 Wörter. Dr Arnold Chikobava und sis Tiim het s vo 1950 bis 1964 uusegee.
This article uses material from the Wikipedia Alemannisch article Georgische Sprache, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.