Dr Gemein Pfennig isch än allgemeini und diräkti Riichsschdüür gsi wo im 15.
und 16. Johrhundert im Dütsche Riich erhobe worden isch.
Dr Gemein Pfennig isch 1422 beschlosse worde und bis 1551 elfmol uusgschriibe und widr uufghobe worde. Am Riichsdag z Worms im Johr 1495 het dr Kaiser Maximilian I., wo Gäld bruucht het für siini Chrieg gege Frankriich und gege s Osmanische Riich, broklamiert, ass jedi Person, wo elter as 15 siig und es Vermöge vo meh as 500 Gulde haig, jedes Johr ä halbe Gulde Schdüür müess zahle und bi Vermoge vo meh as 1000 Gulde ä ganze Gulde. Wär weniger as 500 Gulde gha het, het müesse ä Vieräzwanzigschdel vom enä Gulde zahle.
Eini vo de Folge vom Wormser Beschluss isch dr Schwobechrieg vom Johr 1499 gsi, wo mit em Basler Friide z Änd cho isch.
dtv-Lexikon, Deutscher Taschenbuch Verlag, München 1970, Band 7, S.170
This article uses material from the Wikipedia Alemannisch article Gemeiner Pfennig, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.