Flughafe Berlin Brandeburg: En Flughafe z Schönefeld im dütsche Bundesland Brandeburg, südlich vo Berlin
De Flughafe Berlin Brandeburg „Willy Brandt“ (IATA: BER, ICAO: EDDB) isch e Verchehrsflughafe z Schönefeld im dütsche Bundesland Brandeburg, südlich vo Berlin.
Er isch dur en Usbuu vom Flughafe Berlin-Schönefeld, wo syt 1946 bestande het, entstande. De nüüi Flughafe isch am 31. Oktober 2020 eröffnet worden und am 4. Novämber 2020 rächtlich i Betriib gange. De BER het de Flughafe Berlin-Tegel ersetzt, wo am 8. Novämber 2020 gschlosse worden isch.
| Flughafe Berlin Brandeburg „Willy Brandt“ | |
|---|---|
 | |
 | |
| S Flughafegländ vo Oste (2019) | |
| Känndate | |
| ICAO-Code | EDDB |
| IATA-Code | BER |
| Koordinate | , 13° 30′ 2″ O52° 21′ 44″ N, 13° 30′ 2″ O |
| Höchi über MSL | 47,5 m (156 ft) |
| Verchehrsaabindig | |
| Entfärnig vom Stadtzäntrum | 24 km südlich von Berlin-Mitti |
| Strooss |   |
| Bahn | Färnverchehr Regionalverkehr: FEX, RE 7, RB 14, RB 22 |
| Nohverchehr | S-Bahn Berlin: S9, S45 Bus: BSV, X7, X71, 163, 164, 171, 263, 734, 735, 736, 738, 741, 742, 744, N7, N7X, N60 |
| Basisdate | |
| Ufgmacht am | 31. Oktober 2020 |
| Betriiber | Flughafen Berlin Brandenburg GmbH |
| Flechi | 1470 ha |
| Terminal | 3 |
| Kapazitet (PAX pro Johr) | 46 Mio. 28 Mio. (Terminal 1) 6 Mio. (Terminal 2) 12 Mio. (Terminal 5) |
| Start- un Landebahne | |
| Nord (07L/25R) | 3600 m × 45 m Asphalt |
| Süd (07R/25L) | 4000 m × 60 m Beton |
| Website | |
| ber.berlin-airport.de | |
Zum Zytpunkt vo dr Eröffnig het de Flughafen e theoretischi Kapazität vo 46 Millione Passagier pro Jahr gha. Devoo wäred 28 Millione uf em Terminal 1, 6 Millione auf em (fertiggstellte, aber no nid eröffnete) Terminal 2 und wyteri 12 Millione uf em Terminal 5. S Terminal 5 isch s Abfertigungsgebüüde vom bishärige Flughafe Schönefeld, wo im Februar 2021 für es Jahr gschlosse worden isch. Bis 2035 sind Erwyyterige pplant, zum jährlich 58 Millione Passagier abfertige z chönne.
De Buu vom Flughafe Berlin Brandenburg het am 5. Septämber 2006 aagfange. Es isch eis vo de gröschte Buuprojäkt vo Dütschland gsi. De Start vom Flugbetriib isch aafänglich für de Novämber 2011 pplant gsi. Doch wägere fählerhafte Planig, Mängel bi de Buuufsicht und e huufe technischi Mängel het mer dr Eröffnungstermin ganzi sibe Mal müsse verschiebe. Dur die Fählplanige und dur explodierendi Chöste, wo zletscht uf über sibe Milliarde Euro veraaschlagt worde sind, isch de Flughafe vo de dütsche Hauptstadt zum Sinnbild vomene unkontrollierte staatliche Grossprojekt worde. Im April 2020 het denn schlussändlich d Betriibssicherheit chönne beschynige und es isch d Nutzigserlaubnis erteilt worde, sodass de Flughafen im Herbst nach ere 14-jährige Buuzyt eröffnet worden isch.
Weblink
Commons: Flughafe Berlin Brandeburg – Sammlig vo Multimediadateie- Flughafen Berlin Brandenburg
- Abflugstrecken für den Flughafen BER (PDF; 4 MB) beim Bundesaufsichtsamt für Flugsicherung (undatiert)
- News und Infos zum BER bei RBB / rbb24
- 3D-Modell beim Tagesspiegel
- Bericht des 1. Untersuchungsausschusses des Abgeordnetenhauses von Berlin – 17. Wahlperiode – zur Aufklärung der Ursachen, Konsequenzen und Verantwortung für die Kosten- und Terminüberschreitungen des im Bau befindlichen Flughafens Berlin Brandenburg Willy Brandt (BER). (PDF; 18,8 MB) In: parlament-berlin.de. 14. Juni 2016 (1269 S.).
Einzelnachwys
This article uses material from the Wikipedia Alemannisch article Flughafen Berlin Brandenburg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.