Clásica De San Sebastián

Donostia-Donostia Klasikoa, isch e Radränne, wu syter anne 1981 alljohr im Augschte rund um d San Sebastián im spanische Baskeland stattfindet. Des Aidagsränne isch bis 2004 ais vu zeh Ränne vum Rad-Wältcup gsi. Syt 2005 ghert s zue dr nei yygfierte UCI ProTour, ere Serie vu dr wichtigschte Radränne im Johr. Dr Siiger vum Ränne chunnt as Trophäe e fir d Region typischi Txapela (Baskechappe) iber.

Clásica de San Sebastián bask. Donostia-Donostia Klasikoa
Dr Siiger 2005 Constantino Zaballa (rächts mit dr Baskechappe as Trophäe), links: dr Joaquim Rodriguez
Uusdragigsland	Spanien Spanie
Uusdragigszytruum	Augschte
Ränntyp	Eidagesränne
Erschti Uflag	1981
Erschte Siiger	Flagge Spaniens Marino Lejarreta
Rekordsiiger	Flagge Spaniens Marino Lejarreta (3 Siig)

S Ränne goht iber arg bielig Gländ un isch dradizionäll 227 Kilometer lang. Doderbyy het s segs Aastig, ain mit dr Kategorii 1, drei mit dr Kategorii 2 un zwe mit dr Kategorii 3. D Entschaidig fallt vilmol am vorletschte Bärg, em Alto de Jaizkibel (Kategorii 1), rund 30 Kilometer vor em Ziil. Vom letschte Bärg, em Alto de Gurutze (Kategorii 3), sin s no 15 Kilometer bis ins Ziil.

Dr Spanier Marino Lejarreta isch dr Rekordsiiger mit drei Siig (1981, 1982, 1987). Siger us dr Schwyz, Eschtrych un Dytschland het s je aimol gee (Niki Rütimann 1984, Gerhard Zadrobilek 1989, Udo Bölts 1996).

• Offizielle Webseite