Black Tiger
Dr Black Tiger (* 1972 z Basel als Urs Baur) isch dr erschti Räpper gsi, wo uf Schwytzerdütsch (Baaseldytsch), gräppt hed, und zwoor uf Murder by Dialect (1991) vo P27.
Spöter hed er zäme mit em MC Rony en Album uffgno und hed d Gruppe Skeltigeron gründet, zäme mit em Skelt und em MC Rony. Nochhär hed er sich wider uf sy Solo-Karriere konzentriert. Sy Solo-CD "Solo" gilt as ainy vo de beschte Dütschschwytzer Räp-CD.
Dr Black Tiger het d Matur am Gymnasium am Münschderblatz gmacht und isch denn i d Musigbranche iigstige. Spöter het er denn a de Uni Basel afange Psychologii studiere.
Dr Black Tiger organisert Rap-Uustuuschprojekt zwüschet Afrika und dr Schwyz.
Diskografyy
- 1999: Groovemaischter / S.O.S
- 2000: Zwei in Aim (mit MC Rony)
- 2003: Solo
- 2004: Elements Reunion - Deal With The Real (mit Crossroad, MC Rony, EKR; prod. by Jakebeatz)
- 2005: Ai Daag In Basel (Gastuftritt mit Freakanoid)
- 2006: Ai Daag Im GM (Gastuftritt mit RapBau)
- 2006: Beton Melancholie
- 2007: Tigerony (mit MC Rony)
Website
- D Website vom Black Tiger (Site cha nüme abgrüeft wärde; Suche im Webarchiv)
- Black Tiger af nationmusic.ch
This article uses material from the Wikipedia Alemannisch article Black Tiger, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.