Ausfluss
As Usfluss (syn.
Fluor genitalis, Fluor vaginalis) bezeichnet mä dr normal bzw. vermehrt Sekret-Usfluss us der wiiblige Scheide. As Ursache finde sich mechanischi, chemischi und infektiösi Reizige bzw. Erchrankige. Au maligni Erchrankige chönne e vergrösserete Usfluss verursache. Bsundrigs müesse postmenopausali und brüünlig-bluetigi Usflüss unbedingt vom ene Arzt undersuecht wärde.
Forme
- Dr vaginali Fluor: d Hauptursache si die astiigendi Östrogenwirkig in der Pubertät bzw. Scheidenentzündige (Kolpitis)
- Dr vestibulär Fluor: vermehrti Sekretion us Vorhofdrüese, Vulvitis
- Dr zervikal Fluor: Entstoht im Beriich vo der Cervix uteri, z. B. bi Gonorrhoe, Portio-Ektopie, Tumor
- Dr Fluor albus (Wiissfluss): e physiologische Usfluss vor em Eisprung, wo nit von ere Entzündig stammt
- Dr Fluor neonatorum: dr Usfluss bi Neugeborene wägem Entzug vo de plazentare Östrogene (kei Chrankheitswärt)
- Dr funktionell bzw. nervös Fluor: e vasomotorisch bedingte Usfluss bi Stress/Erregig
Differentialdiagnose
D Ursache vo vermehrtem Usfluss si vilfältig. D Erchrankige in der Dabelle unde nooche si nume Bispil. D Diagnose und Behandlig muess vom ene Arzt gmacht wärde.
| Usfluss, Symptom | mögligi Ursache | Therapii & Diagnostik (vom ene Arzt) |
|---|---|---|
| klar, gruchlos | physiologisch bi Östrogen-Stimulation (z. B. Zyklusmitte), Stress, Zervixpolype, Ektopii | gynäkologischi Undersuechig, Abstrich |
| gääl-grüen, schuumig, Juckreiz, schlächte Gruch | Trichomoniasis | Abstrich, Metronidazol |
| gälblig, klar | Infektion mit Parasite | Abstrich, Erregerbestimmig, Therapii je noch Erreger unterschiidlig |
| grau, dünnflüssig, schlächte Gruch | bakterielle Vaginose, Kolpitis dur Bakterie (Gardnerella vaginalis u. a.) | Abstrich, Therapii je noch Erreger unterschiidlig |
| gälblig, bröckelig | Tuberkulose | Abstrich, Antibiotika-Therapii |
| eitrig | Gonorrhoe | Abstrich, Cephalosporin, Ciprofloxazin |
| brüünlig, schlächte Gruch | Fremdkörper (z. B. en alte Tampon) | Uuseneh, Abstrich |
| wiiss, cremig, Juckreiz | Candida-Infektion | Abstrich, Antimykotika (Imidazole, Triazole) |
| bruun, bluetig | Verletzige, V. a. Malignom | unbedingt e diagnostischi Abklärig, Zytologii |
Weblingg
- Schwanger-info.de - Beschwerden,Ausfluss: S unabhängige Informationsagebot vo der Bundeszentrale für gsundheitligi Ufklärig (BZgA)
 | Dä Artikel basiert uff ere fräie Übersetzig vum Artikel „Ausfluss“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Ausfluss, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.