Südschwarzwald Albgau

Si isch im hitige Sidbade zwische dr Wuete, em Schwarzwald, em Hochrhy un dr Baar gläge. D Oschtgränzè vom Bärgland im Südschwarzwald isch durchs Wuètèdal definyrt, im Südè gränzt dè Hochrhy s Albgau gegè s Aargau mit dè südlichè Vorhuèt vom Waald (Albgau), dè Waaldeshuèt, ab. Nördlich markyrt d Wuètèschlucht d Gränz zwûschè Albgau un dè Baar so brägend, dass mò sich bis hütt nò gegèsitig als Ènnèwuètler bezeichnè duèt.

D Worthèrkumpft isch umschtrittè, mengi luèget s Flissli Alb, wo d Weschtgränzè zum Hotzèwaald hy bildet, als Nammensgäbber aa. Wòòrschinlicher isch, dass entwedder è Gau mit Albè odder im Bärgland demit gmeint isch.

Dr Albgau isch anne 781 s erscht Mol gnännt wore, verschwindet aber no 1120 wider; d Grofschaft het derno Landgrofschaft Stüelige gheiße.

Dr Albgau isch äng mit andere Gau in dr Nochberschaft verbunde gsi. Zem Byschpel isch dr Ulrich (780–804) au Grof im Thurgau gsi, dr Adalbert II. au Grof im Thurgau un im Hegau, dr Chadaloh II. 891 au Grof im Aargau, un dr Liutho 929 im Zürigau. Dr erscht Landgrof im Albgau isch dr Rudolf vu Lenzburg im 12. Johrhundert gsi.

Grofe im Albgau sin gsi:

• Ulrich, 780–804 Grof im Thurgau
• Konrad I., 839 Grof im Albgau, 844 Grof im Linzgau, 849 Grof vu Paris (Welfe)
• Welf II., 842/850 Grof im Linzgau, 852–858 Grof im Albgau, vermuetlig e Suhn vum Konrad I.
• Adalbert dr Erlaucht, um 854 – um 894 Grof im Albgau un Thurgau
• Chadaloh II., 891–894 au bezygt as Grof im Augstgau, 891 as Grof im Aargau
• Liutho, 929 Grof im Zürigau
• Rudolf vu Lenzburg, um 1120, Landgrof vu Stüelige

• Helmut Maurer: Alpgau (D). In: Historisches Lexikon vo dr Schwiiz.

Dä Artikel basiert uff ere fräie Übersetzig vum Artikel „Albgau_(Südschwarzwald)“ vu de dütsche Wiki Alemannisch. E Liste vu de Autore un Versione isch do z finde.