Dr Alain Juppé (15.
August">15. August 1945 z Mont-de-Marsan, ìn da Landes) ìsch a frànzeescher Politiker vu dr Gaullistischa Streemung. Ar hàt sina politischa Kàrriar ànna 1976 mìt em Jacques Chirac ààgfànga. Ar ìsch mehrmols Minischter gsìì vu 1986 bis 2012, sogàr dr Premier Ministre vum Frànkrìch vu 1995 bis 1997, wo dr Jacques Chirac Präsidant gsìì ìsch.
Dialäkt: Mìlhüüserisch |
Ar ìsch aui Maire vu Bordeaux zitter 1995, üsser a Unterbrachung ìn sina politischa Funktiona zwìscha 2004 un 2006.
Dr Alain Juppé ìsch dr Suhn vu dr Marie Darroze un vum Robert Juppé, wo Büüra ìn da Landes gsìì sìn.
Ar hàt ìm Lycée „Victor-Duruy“ z Mont-de-Marsan (Landes) gstudiart. Ar ìsch a begàbter Schüeler gsìì; ar hàt àn'ma Wettbewerb a Priis fer Làtiinisch un Griachisch bikumma un ar hàt ànna 1962 dr Baccalauréat (Abitur) bstànda. Ar ìsch dernoh ìn Prepa-Klàssa ìm pàrisser Lycée „Louis-le-Grand“ gànga, fer ànna 1964 ìn d „École Normale Supérieure“ (ENS) geh, wo-n'r ànna 1967 a Àgregation ìm Bereich vu klàssischa Literàtür bstànda hàt. Noh dam hàt'r noch ìm „Instituts d’études politiques“ (IEP) ànna 1968 un ìn dr „École nationale d’administration“ (ENA) vu 1970 bis 1972 gstudiart.
Dr Alain Juppé ìsch ìn stààtliga Funktiona un ìn lokàla Màdàta ìn sinera Gegend tätigt gsìì. Ar hàt aui a wìchtiga Rolla ìn dr rachtsorientiarta Pàrtei RPR, speeter UMP, gspìelt.
Gega 2004 ìsch'r waga-n'era Àffar um illegàla Pàrteifinanziarung schwar verurteilt worra. Àm 30. Janner 2004 hàt'r a Strof vu 10 Johr ohna politischa Funktion bikumma. Àm 1. Dezember 2004 ìsch dia Strof vu 10 Johr uf numma noch viarzeh Monet ohna politischa Funktion kumma.
Àm 30. Juni 1965 hàt'r d Christine Leblond ghirota; ar hàt mìt'ra a Suhn (Laurent, 1967) un a Tochter (Marion, 1973) bikumma. Noh ìhra Scheidung hàt dr Alain Juppé àm 29. Àwrìl 1993 d Journalischta Isabelle Legrand-Bodin ghirota; ar hàt mìt'ra a Tochter (Clara, 1995) bikumma.
This article uses material from the Wikipedia Alemannisch article Alain Juppé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.