麥當勞

麥當勞係道瓊斯工業平均指數（Dow Jones Industrial Average）成份股。

• 漢堡包（巨無霸）
• 魚柳包
• 芝士漢堡
• 薯條
• 蘋果批
• 雪糕新地
• 麥旋風
• 麥樂雞
• 麥香雞
• 脆香雞翼
• 芝士燒肉汁薯條（加拿大）

• 飲筒
• 水
• 紙巾
• 茄汁
• 鹽
• 胡椒粉
• 冷氣
• Wi-Fi

無飲管日

買嘢食送嘢玩，例如夢工廠電影嘅人物或日本Sanrio嘅公仔。

麥當勞有同細路搞「麥當勞生日會」，細路包場搞派對，家長請食餐，餐廳姐姐同小丑哥哥同小朋友玩遊戲、送紀念品。

麥當勞作為一個全球性嘅品牌，喺唔同地方都有一定文化影響，或者有當地獨特嘅一面。喺某啲國家，由於所代表嘅快餐文化被指責對公眾健康產生負面影響，好多人叫做「垃圾食物」（junk food）。法國好多人敵視麥當勞，當咗麥當勞係美國生活方式入侵嘅代表。^{[未記出處或冇根據]}

麥當勞喺香港嘅文化表現

麥當勞喺香港經營多年，有時會被稱爲「M記」，另外亦衍生咗一啲對香港文化嘅獨特表現同互動。

例如，由於環球唱片推出嘅歌，不時會喺麥當勞入面播，所以有部份旗下歌手，例如李幸倪同AGA，會俾人戲稱為「M記駐場歌手」。甚至有網民話，聽到AGA嘅《一》，符致逸嘅《靈魂獨舞》或者陳奕迅嘅《無條件》嗰陣，直頭感覺好似去咗麥當勞咁。

另外，喺曾蔭權擔任行政長官期間，亦有人唔支持佢，同埋要爭取一人一票普選嘅人，攞曾蔭權嘅英文名（Donald）嚟諷刺佢，高呼「勿當奴」，而呢個口號亦正好和應「麥當勞」嘅廣東話發音。

而去到麥當勞嘅嘢食方面，有啲麥當勞嘅食物亦有屬於香港獨特嘅暱稱。例如：

• 豬柳強：豬柳蛋漢堡有時會被簡稱爲「豬柳蛋」，但係由於「蛋」同「強」嘅速成輸入法兩個碼一樣，有時網民會打錯咗字變咗做「豬柳強」，久而久之『豬柳強』就變成豬柳蛋漢堡嘅一個外號。
• 魚柳Bell：其實係魚柳飽，英文Bell同廣東話「飽」嘅發音好接近，另外魚柳飽餐亦會變成「魚柳Bell Chan」。
• 黑旋風：其實係指麥旋風，但由於黑旋風嘅廣告喺香港太深入民心，所以有啲人會噏錯。
• 冒險樂園餐：其實係開心樂園餐，不過有啲人會噏錯。
• 脆弱雞腿包：其實係脆辣雞腿包，不過有啲人會噏錯。
• 孖芝：其實係指雙層芝士孖寶，但係為咗減少字數而縮寫，後嚟連麥當勞自己都有用呢個稱號做宣傳。

肥，冇均衡營養，加有防腐劑。^{[未記出處或冇根據]}

造好多垃圾，嚴重污染環境，唔環保。^{[未記出處或冇根據]}

• 麥當勞喺1990年代打入中國市埸，原本想按普通話音譯「馬克唐納爾德」，但因為又長又論盡，最終用返香港譯名「麥當勞」。（連鎖店寶號 論盡麥當勞 ）
• 麥當勞喺大陸，曾因為讀音同「牡丹樓」相似，引起唔少誤會。（真係頭條笑話——牡丹樓）

• 肯德基

• 麥當勞
• 麥當勞香港
• 麥當勞叔叔之家慈善基金

 

維基同享有多媒體嘅嘢：
McDonald's