元素週期表

注意：呢篇文章有統一碼中日韓越統一表意文字新版用字：䥑、𨧀、𨭎、𨨏、𨭆。如果你部電腦唔支援，嗰啲字就會錯誤顯示成空格、問號或者方格等。請睇睇Wiki: Unicode擴展漢字。

 元素週期表（粵拼：jyun4 sou3 zau1 kei4 biu2） （Periodic table）係一個以圖表去展示化學元素嘅方法，係俄羅斯化學家門捷列耶夫喺1869年首先提議嘅。

門得列夫發現有啲元素，有相似嘅化學性質，而且重喺隔咗一定數目嘅元素之後，又重複返之前元素嘅化學性質，於是諗到將元素用表排起。佢將當時已知嘅63種元素依原子量嘅大細並用表嘅形式排列，將有相似化學性質嘅元素放喺同一行，就係元素週期表嘅雛形。利用週期表，門得列夫成功預測當時重未被發現嘅元素嘅特性（鎵、鈧、鍺）。1913年英國科學家莫色勒利用陰極射線撞擊金屬產生X射線，發現原子序越大，X射線嘅頻率就越高，因為咁佢認為核嘅正電荷決定咗元素嘅化學性質，並將元素依照核裏面正嘅電荷（即係質子數或者原子序）排列，經過多年修訂之後先成為家陣嘅週期表。

喺週期表入面，元素係以元素嘅原子序排列，最細嘅排最先。表入面一橫行稱為一個週期，一直行稱為一個族。

元素週期表唔單只用喺化學上，就連物理、生物、工程學同埋工業都被廣泛應用。

元素週期表有唔同嘅表達方法，下表係現今科學界最常用嘅排列方法（呢個係港澳繁體版本，部分元素大陸簡體、港澳繁體、台灣正體嘅譯名唔同，譬如Si喺大陸譯為「硅」）。

• 序號綠色喺標準狀況下係氣體；
• 序號藍色係液體；
• 序號黑色係固體；
• 序號紅色係人工合成元素。

喺平衡或者得出涉及元素或者化合物嘅變化嘅化學方程式或反應式時，需要計算元素入面唔同嘅「量」。同埋最元素符號最接近嘅「量」，以物質符號 X 作例子，大約有：

${\displaystyle {}_{Z}^{A}\!X_{n}^{e}}$ 
A ：質量數（Mass number），即係原子核（質子加中子）嘅粒子數目。
Z ：原子序數，又叫原子序號，亦係質子嘅數目。
e ：淨電荷，正負號寫喺數字嘅後面。
n ：原子數目，元素喺非單原子狀態（分子或化合物）時嘅數目。

• 擴展元素週期表
• 化學
• 元素
• 化學符號
• 生命元素
• 元素列表
  • 按序號
  • 按符號
  • 按名稱
• 同位素
  • 同位素一覽
• IUPAC元素系統命名法
• 原子嘅電子結構一覽

• 喺線元素週期表查詢
• 元素週期表
• 網絡元素週期表（英文）
• 化學元素週期表（JavaScript版）
• 一個好強大嘅元素周期表