Premio Oscar

I premi i vien conferìi da ła Academy of Motion Picture Arts and Sciences, on'organizasion profesional onoraria costituìa da personałità che i ga portato avanti ła so cariera intel mondo de ła cełułoide, atori, registi, produtori, etc., e che al 2007 el cuntava oltre 6 000 menbri votanti.

El nome ofisial de ła statueta dorada ła xe Academy Award of Merit, mentre a ghe xe varie version so come a vien dà el nome Oscar: secondo ła piasé acreditada, el xe sta conferìo da Margaret Herrick, inpiegada a ł'Academy of Motion Picture Arts and Sciences, ła cuałe, vedendo ła statueta sora de na toła ła ga dito: "Varda ciò, el someja proprio a me sio Oscar!". El nome Oscar el xe, inoltre, on marchio registrà de ła stessa Academy of Motion Picture Arts and Sciences.

I premi i xe sta consegnai par ła prima volta inte ła Blossom Room de ł'Hollywood Roosevelt Hotel de Los Angeles el 16 de majo 1929, ma i nomi dei vinsidori i gerano zà sta anunziai tri misi prima. Par cuałificarse, on film el doveva 'ndar fora inte ła sità całiforniana inte i dodexe misi che i finise el 31 de lujo de ł'ano precedente. Dal 1934 ła candidadura ła xe vałida se el film el xe 'ndà fora inte ł'ano sołare precedente.

•   Wiki Commons el detien imàjini o altri file so Prèmio Oscar

• Sito ofixial