Un nùmmuru si dici primu quannu è divisìbbili sulu pi iddu stissu e pi l'unità.
La lista dî nùmmura primi accumincia cu 2, 3, 5, 7, 11, 13 e accussì via. Già Euclidi dimustrau ca esìstinu nfiniti nùmmara primi. Eratòstini sprummintau nu sistema, canusciutu comu criveddu di Eratòstini, pi truvari na lista dî nùmmura primi. La distribuzzioni dî nùmmura primi è assai irregulari, ma lu tiurema dî nummura primi, dimustratu ntô 1896 dû matimàticu francisi de la Vallée Poussin, dici ca lu nùmmuru di nùmmura primi nzinu a x si pò approssimari cu formula x/log x.
Na dimustrazzioni cchiù elementari si detti ntô 1948 grazzî a Erdös e Selberg.
Puru chi li nùmmura primi sunnu infiniti, si canùscinu sulu na quantitati limitata di nùmmura primi. Nzinu a oggi nun esisti nu criteriu ppi custruiri nùmmura primi di na manera sèmplici. Ci sunnu criteri ppi vidiri ca nu nùmmuru è primu o no sulu ppi categorìi speciali di nùmmura, comu li nùmmura primi di Mersenne.
Li nùmmura primi sunnu â basa dâ fattorizzazzioni dî nùmmura naturali, e â basa dâ tiurìa dî nùmmura.
This article uses material from the Wikipedia Sicilianu article Nùmmuru primu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.