ᱢᱮᱨᱤᱞᱤᱱ ᱢᱚᱱᱨᱳ
ᱢᱮᱨᱤᱞᱤᱱ ᱢᱚᱱᱨᱳ (ᱡᱟᱱᱟᱢ ᱱᱚᱨᱢᱟ ᱡᱤᱱ ᱢᱚᱨᱴᱮᱱᱥᱚᱱ, ᱑ ᱡᱩᱱ ᱑᱙᱒᱖ - ᱕ ᱟᱜᱚᱱᱴ ᱑᱙᱖᱒) ᱫᱚᱭ ᱛᱟᱸᱦᱮᱸᱠᱟᱱᱟ ᱢᱟᱨᱠᱤᱱ Actress, Model and Singer.
᱑᱙᱕᱐ ᱟᱨ ᱑᱙᱖᱐ ᱫᱚᱥᱚᱠᱮ ᱩᱱᱤ ᱟᱭᱢᱟ ᱥᱤᱱᱮᱢᱟᱨᱮᱭ ᱚᱵᱷᱤᱱᱚᱭ ᱟᱠᱟᱫᱟ ᱡᱟᱸᱦᱟᱸᱠᱩᱫᱚ ᱚᱱᱟ ᱚᱠᱛᱚᱨᱮ ᱵᱷᱹᱜᱤᱜᱮᱭ ᱵᱟᱹᱱᱤᱡ ᱟᱠᱟᱫᱟ᱾
| ᱢᱮᱨᱤᱞᱤᱱ ᱢᱚᱱᱨᱳ | |
|---|---|
 | |
| ᱧᱤᱛᱩᱢ | ᱱᱚᱨᱢᱟ ᱡᱤᱱ ᱢᱚᱨᱴᱮᱱᱥᱚᱱ |
| ᱡᱟᱱᱟᱢ ᱢᱟᱦᱟ | ᱑ ᱡᱩᱱ ᱑᱙᱒᱖, ᱞᱚᱥ ᱮᱧᱡᱮᱞᱮᱥ, ᱠᱮᱞᱤᱯᱷᱳᱨᱱᱤᱭᱟ, ᱟᱢᱮᱨᱤᱠᱟ |
| ᱵᱚᱸᱜᱟ ᱛᱟᱞᱟ | ᱕ ᱟᱜᱚᱱᱴ ᱑᱙᱖᱒, ᱵᱨᱮᱱᱴᱩᱰ, ᱞᱚᱥ ᱮᱧᱡᱮᱞᱮᱥ, ᱠᱮᱞᱤᱯᱷᱳᱨᱱᱤᱭᱟ, ᱟᱢᱮᱨᱤᱠᱟ |
| ᱠᱟᱹᱢᱤᱠᱳ | Actress, Model, Singer, Producer |
| ᱞᱟᱹᱭ ᱜᱟᱱᱚᱜ ᱠᱟᱹᱢᱤᱠᱳ | ᱱᱟᱭᱟᱜᱨᱟ, ᱡᱮᱱᱴᱚᱞᱢᱮᱱᱴ ᱯᱨᱮᱯᱷᱟᱨ ᱵᱞᱚᱱᱰᱤᱥ, ᱨᱤᱵᱷᱟᱨ ᱚᱵ ᱱᱳ ᱨᱤᱴᱟᱨᱱ, ᱫᱟ ᱥᱮᱵᱷᱮᱱ ᱤᱭᱟᱨ ᱤᱪ, ᱥᱟᱢ ᱞᱟᱭᱤᱠ ᱤᱴ ᱦᱚᱴ, ᱫᱟ ᱢᱤᱥᱯᱷᱤᱴᱱ |
| ᱫᱷᱚᱨᱚᱢ | ᱯᱮᱱᱴᱮᱠᱳᱥᱴᱟᱞ (᱑᱙᱒᱖-᱑᱙᱕᱖) [[ᱤᱦᱩᱫᱤ]] (᱑᱙᱕᱖-᱑᱙᱖᱒) |
| ᱡᱟᱸᱭᱟᱺᱭᱠᱩ | ᱡᱮᱢᱥ ᱰᱚᱜᱮᱛᱷᱤ (᱑᱙᱔᱒-᱑᱙᱔᱖) ᱡᱳ ᱰᱤᱢᱟᱜᱤᱣ (᱑᱙᱕᱔) ᱟᱨᱛᱷᱟᱨ ᱢᱤᱞᱟᱨ (᱑᱙᱕᱖-᱑᱙᱖᱑) |
| ᱯᱩᱨᱚᱥᱠᱟᱨ | ᱜᱳᱞᱰᱮᱱ ᱜᱞᱳᱵᱽ, ᱮ ᱮᱯᱷ ᱟᱭ ᱟᱨ ᱨᱮᱱᱟᱜ ᱑᱐᱐ ᱥᱮᱨᱢᱟᱨᱮᱱ ᱥᱮᱨᱟ Actress |
| ᱥᱩᱦᱤ |  |
ᱮᱛᱦᱚᱯ ᱡᱤᱭᱟᱱ ᱟᱨ ᱵᱟᱯᱞᱟ
ᱢᱮᱨᱤᱞᱤᱱ ᱢᱚᱱᱨᱳ ᱑ ᱡᱩᱱ ᱑᱙᱒᱖ ᱥᱮᱨᱢᱟ ᱨᱮ ᱠᱮᱞᱤᱯᱷᱳᱨᱱᱤᱭᱟ ᱨᱮᱱᱟᱜ ᱞᱚᱥᱮᱧᱡᱮᱞᱮᱥ ᱠᱟᱩᱱᱴᱤ ᱦᱟᱥᱯᱟᱛᱟᱞ ᱨᱮᱭ ᱡᱟᱱᱟᱢᱞᱮᱱᱟ᱾ ᱩᱱᱤᱭᱟ ᱟᱥᱚᱞ ᱧᱤᱛᱩᱢ ᱫᱚ ᱛᱟᱸᱦᱮᱸᱠᱟᱱᱛᱟᱭᱟ ᱱᱚᱨᱢᱟ ᱡᱮᱱ ᱢᱚᱨᱴᱮᱱᱥᱚᱱ᱾ ᱩᱱᱤᱫᱚ ᱜᱞᱟᱰᱤᱥ ᱯᱟᱨᱞ ᱵᱮᱠᱟᱨ (᱑᱙᱐᱒-᱑᱙᱘᱔) ᱨᱮᱱ ᱛᱮᱥᱟᱨ ᱦᱚᱯᱚᱟᱨᱟᱛ ᱮ ᱛᱟᱸᱦᱮᱸᱠᱟᱱᱟ᱾ ᱜᱞᱟᱰᱤᱥ ᱠᱚᱱᱥᱚᱞᱤᱰᱮᱴᱮᱰ ᱯᱷᱤᱞᱢ ᱤᱱᱰᱟᱥᱴᱨᱤᱛᱮ ᱯᱷᱤᱞᱢ ᱱᱮᱜᱮᱴᱤᱵᱷ ᱜᱮᱫ ᱨᱮᱱᱟᱜ ᱮ ᱠᱟᱹᱢᱤᱭᱮᱛ ᱛᱟᱸᱦᱮᱸᱱᱟ᱾ ᱜᱞᱟᱰᱤᱥ ᱑᱕ ᱵᱚᱪᱷᱚᱨ ᱨᱮ ᱟᱡ ᱠᱷᱚᱡ ᱙ ᱥᱮᱨᱢᱟ ᱞᱟᱹᱴᱩ ᱡᱚᱱ ᱱᱤᱭᱩᱴᱚᱱ ᱵᱮᱠᱟᱨ ᱮ ᱵᱟᱯᱞᱟ ᱞᱤᱫᱤᱭᱟ᱾ ᱑᱙᱒᱑ ᱥᱮᱨᱢᱟᱨᱮ ᱵᱟᱨᱭᱟ ᱜᱤᱫᱨᱟᱹ ᱦᱩᱭ ᱛᱟᱭᱚᱢ ᱩᱝᱠᱤᱱᱠᱤᱱ ᱵᱟᱯᱟᱜ ᱞᱮᱱ ᱠᱷᱟᱱ ᱡᱚᱱ ᱵᱮᱠᱟᱨ ᱵᱟᱨᱭᱟ ᱜᱤᱫᱨᱟᱹ ᱱᱤᱭᱟᱹ ᱠᱮᱱᱴᱟᱠᱤ ᱧᱤᱛᱩᱢᱟᱱ ᱡᱟᱜᱟᱨᱮᱭ ᱪᱟᱞᱟᱣᱮᱱᱟ᱾ ᱑᱙᱒᱔ ᱥᱮᱨᱢᱟᱨᱮ ᱜᱞᱟᱫᱤᱥ ᱫᱚᱥᱟᱨᱛᱮ ᱢᱟᱨᱴᱤᱱ ᱮᱰᱣᱭᱟᱨᱰ ᱢᱚᱨᱴᱮᱱᱥᱮᱱ ᱥᱟᱶᱛᱮᱭ ᱵᱟᱯᱞᱟᱭᱮᱱᱟ᱾ ᱤᱱᱟᱹ ᱛᱟᱭᱚᱢ ᱢᱚᱱᱨᱳ ᱡᱚᱠᱷᱚᱱ ᱜᱞᱟᱫᱤᱥ ᱟᱜ ᱞᱟᱡᱨᱮᱭ ᱦᱮᱡ ᱮᱱᱟ ᱟᱰᱚ ᱢᱟᱨᱴᱤᱱ ᱮ ᱵᱟᱰᱟᱭ ᱠᱮᱫᱟ ᱡᱮ ᱩᱱᱤᱫᱚ ᱟᱡᱨᱮᱱ ᱜᱤᱫᱨᱟᱹ ᱵᱟᱝ ᱠᱟᱱᱟᱭ᱾ ᱚᱱᱟ ᱵᱟᱰᱟᱭ ᱠᱟᱛᱮᱜ ᱢᱟᱨᱴᱤᱱ ᱜᱞᱟᱰᱤᱥ ᱮ ᱵᱟᱹᱜᱤᱭᱟᱹᱫᱤᱭᱟ᱾ ᱢᱚᱱᱨᱳ ᱟᱜ ᱟᱹᱯᱩᱧᱟᱜ ᱧᱤᱛᱩᱢ ᱫᱚ ᱧᱤᱛ ᱦᱚ ᱚᱠᱚᱭᱦᱚ ᱵᱟᱹᱠᱩ ᱵᱟᱰᱟᱭᱟ᱾
᱑᱙᱔᱒ ᱥᱮᱨᱢᱟᱨᱮᱱᱟᱜ ᱑᱙ ᱡᱩᱱ ᱢᱚᱱᱨᱳᱭᱟᱜ ᱵᱚᱭᱚᱱ ᱡᱚᱠᱷᱚᱱ ᱑᱖, ᱩᱱ ᱡᱚᱠᱷᱚᱡ ᱟᱹᱠᱩ ᱚᱲᱟᱜ ᱯᱟᱥᱮᱨᱮᱱ ᱡᱤᱢ ᱰᱚᱜᱟᱨᱛᱷᱤ ᱧᱤᱛᱩᱢᱟᱱ ᱦᱚᱲ ᱥᱟᱶᱛᱮ ᱵᱟᱯᱞᱟ ᱦᱩᱭᱞᱮᱱ ᱛᱟᱭᱟ᱾ ᱵᱟᱯᱞᱟ ᱯᱚᱨᱮ ᱯᱟᱲᱦᱟᱣ ᱦᱚᱸ ᱵᱚᱱᱫᱷᱚᱭᱮᱱ ᱛᱟᱭᱟ ᱟᱨ ᱯᱩᱨᱟᱹᱫᱷᱟᱣ ᱵᱟᱹᱦᱩ ᱠᱩᱲᱤ ᱞᱮᱠᱟ ᱛᱟᱸᱦᱮᱸᱱ ᱮ ᱫᱷᱩᱨᱟᱹᱣᱱᱟ᱾
ᱚᱵᱷᱤᱱᱚᱭ ᱡᱤᱭᱚᱱ
᱑᱙᱔᱖ ᱥᱮᱨᱢᱟᱨᱮ Modeling ᱠᱷᱚᱱ ᱜᱮ ᱢᱚᱱᱨᱳ ᱭᱟᱜ ᱚᱵᱷᱤᱱᱚᱭ ᱡᱤᱭᱚᱱ ᱫᱚ ᱮᱦᱚᱯᱞᱮᱱ ᱛᱟᱭᱟ᱾ ᱩᱱ ᱡᱚᱠᱷᱟᱡ ᱜᱮ ᱟᱭᱟᱜ ᱥᱳᱱᱟᱞᱤ ᱨᱚᱝ ᱩᱵ ᱨᱮᱱᱟᱜ ᱟᱞᱟᱫᱟ ᱢᱤᱫᱴᱮᱱ ᱪᱤᱱᱦᱟᱹᱣ ᱮ ᱟᱜᱩ ᱠᱮᱫᱟ᱾ ᱟᱨ ᱟᱭᱟᱜ ᱧᱤᱛᱩᱢ ᱦᱚ ᱵᱚᱫᱚᱞ ᱠᱟᱛᱮ ᱢᱮᱨᱤᱞᱤᱱ ᱢᱚᱱᱨᱳ ᱦᱩᱭᱮᱱ ᱛᱟᱭᱟ᱾ ᱑᱙᱔᱗ ᱥᱮᱨᱢᱟᱨᱮ ᱴᱩᱭᱮᱱᱴᱤᱭᱮᱛᱷ ᱥᱮᱱᱪᱩᱨᱤ ᱯᱷᱚᱠᱥ ᱥᱟᱶᱛᱮ ᱥᱤᱱᱮᱢᱟᱨᱮ ᱠᱟᱹᱢᱤ ᱞᱟᱹᱜᱤᱛ ᱪᱩᱠᱛᱤ ᱦᱩᱭᱮᱱᱛᱟᱭᱟ᱾ ᱤᱱᱟᱹ ᱯᱚᱨ ᱵᱟᱨᱭᱟ ᱥᱤᱱᱮᱢᱟᱨᱮ ᱩᱱᱤᱭ ᱚᱵᱷᱤᱱᱚᱭ ᱠᱮᱫᱟ᱾ ᱑᱙᱕᱐ ᱥᱮᱨᱢᱟᱨᱮ ᱚᱞ ᱮᱵᱟᱩᱴ ᱤᱵᱷ ᱧᱤᱛᱩᱢᱟᱱ ᱥᱤᱱᱮᱢᱟᱨᱮ ᱟᱨᱦᱚᱸ ᱢᱚᱱᱨᱳᱭ ᱟᱵᱷᱤᱱᱚᱭ ᱠᱮᱫᱟ᱾ ᱑᱙᱕᱗ ᱥᱮᱨᱢᱟᱨᱮ ᱟᱭᱟᱜ ᱟᱹᱰᱤ ᱵᱷᱟᱜᱮ ᱥᱤᱱᱮᱢᱟ ᱫᱟ ᱥᱮᱵᱷᱮᱱ ᱤᱭᱟᱨ ᱤᱪ ᱩᱰᱩᱝ ᱮᱱᱟ᱾ ᱤᱱᱟᱹ ᱯᱚᱨᱮ ᱦᱟᱣ ᱴᱩ ᱢᱮᱨᱤ ᱟ ᱢᱤᱞᱮᱱᱤᱭᱟᱨ, ᱫᱟ ᱯᱨᱤᱱᱥ ᱮᱱᱰ ᱫᱟ ᱥᱳ ᱜᱟᱨᱞ ᱥᱤᱱᱮᱢᱟᱨᱮ ᱚᱵᱷᱤᱱᱚᱭ ᱠᱟᱛᱮᱡ ᱟᱹᱰᱤ ᱧᱤᱛᱩᱢ ᱮ ᱧᱟᱢ ᱠᱮᱫᱟ᱾ ᱥᱟᱢ ᱞᱟᱭᱤᱠ ᱤᱴ ᱦᱚᱴ ᱥᱤᱱᱮᱢᱟᱨᱮ ᱟᱵᱷᱤᱱᱚᱭ ᱠᱟᱛᱮᱡ ᱢᱚᱱᱨᱳ comedy actress ᱦᱤᱥᱮᱵᱛᱮ ᱜᱳᱞᱰᱮᱱ ᱜᱞᱳᱵᱽ ᱯᱩᱨᱚᱥᱠᱟᱨ ᱮ ᱧᱟᱢ ᱞᱮᱫᱟ᱾
ᱵᱚᱸᱜᱟ ᱛᱟᱞᱟ
ᱢᱮᱨᱤᱞᱤᱱ ᱢᱚᱱᱨᱳ ᱟᱹᱰᱤ ᱠᱟᱹᱴᱤᱡ ᱵᱚᱭᱚᱱ ᱨᱮᱜᱮᱭ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱟᱭᱟᱜ ᱡᱚᱠᱷᱚᱱ ᱓᱖ ᱥᱮᱨᱢᱟ ᱩᱱ ᱡᱚᱠᱷᱟᱡ ᱩᱱᱤᱭ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱦᱚᱲᱠᱩ ᱞᱟᱹᱭᱟ ᱡᱮ ᱟᱹᱰᱤ ᱟᱭᱢᱟ ᱨᱟᱱ ᱡᱚᱢ ᱠᱟᱛᱮ ᱢᱚᱱᱨᱳ ᱫᱚᱭ ᱵᱚᱸᱜᱟ ᱛᱟᱞᱟᱞᱮᱱᱟ᱾
ᱢᱚᱱᱨᱳᱭᱟᱜ ᱥᱤᱱᱮᱢᱟ ᱨᱮᱱᱟᱜ ᱛᱟᱹᱞᱠᱟᱹ
- ᱰᱮᱧᱡᱟᱨᱟᱥ ᱤᱭᱟᱨᱥ (᱑᱙᱔᱗)
- ᱤᱥᱠᱩᱰᱟ ᱦᱳ! ᱤᱥᱠᱩᱰᱟ ᱦᱳ! (᱑᱙᱔᱘)
- ᱞᱮᱰᱤᱥ ᱚᱵ ᱫᱟ ᱠᱳᱨᱟᱥ (᱑᱙᱔᱘)
ᱵᱟᱨᱦᱮ ᱠᱷᱚᱱ ᱚᱱᱚᱞᱠᱩ
- Marilyn Monroe
- Galleries: Marilyn Monroe: Life and Times Archived ᱒᱐᱑᱐-᱐᱖-᱑᱙ at the Wayback Machine. & Early Photos, 1950 —Life magazine
- "What Really Killed Marilyn", article by Clare Boothe Luce for Life, 7 August 1964.
- "Marilyn!" Archived ᱒᱐᱑᱓-᱐᱙-᱒᱑ at the Wayback Machine., essay by Dan Callahan for Alt Screen on the occasion of a retrospective Archived ᱒᱐᱑᱒-᱐᱗-᱑᱒ at the Wayback Machine. at BAMcinématek
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱢᱮᱨᱤᱞᱤᱱ ᱢᱚᱱᱨᱳ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.