Vermensliking
Vermensliking (ook personifikasie of die minder gebruikte antropomorfisme) verwys na enige toekenning van menslike eienskappe (of karaktereienskappe wat aangeneem word slegs aan mense toegeskryf kan word) aan nie-menslike diere, nie-lewende dinge, verskynsels, voorwerpe of ontasbare voorstellings (soos geeste of godhede).
Diere en plante asook natuurkragte soos wind, reën of die son kan as skepsels met menslike beredeneringsvermoë of spraak uitgebeeld word.
Personifikasie toon 'n sterk ooreenkoms met die vergelyking, maar veral met die metafoor. Personifikasie is eintlik maar 'n vorm van die metafoor, maar met die bykomende eienskap dat wat ook al gemetaforiseer word, eintlik vermenslik word.
Voorbeelde
Enkele voorbeelde van vermensliking:
- Die tyd stap aan.
- Tyd wag vir niemand nie.
- Die wind huil om die hoeke.
- Die lente trek haar bruidskleed aan.
- Liewe Heksie met Blommie Kabouter, Matewis (die kat) en Griet (haar perd).
- Die storie van Rooikappie, waar die wolf kan praat.
- Die Drie Klein Varkies, waar die wolf en varke soos mense optree en ook gesels.
- Pinokio, 'n houtpop wat lewendig word.
- Bennie Boekwurm in Wielie-Walie wat stories lees.
Sien ook
| Wiki Commons bevat media in verband met Anthropomorphism. |
This article uses material from the Wikipedia Afrikaans article Vermensliking, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.