Nasionale Vrouedag: Openbare vakansiedag wat jaarliks op 9 Augustus in Suid-Afrika gevier word
Nasionale Vrouedag is 'n openbare vakansiedag wat jaarliks op 9 Augustus in Suid-Afrika gevier word.
Die eerste Nasionale Vrouedag het op 9 Augustus 1994 plaasgevind. Die dag gedenk die nasionale optog van vroue op hierdie dag in 1956 om beswaar te maak teen wetgewing wat Swart Afrikane verplig het om 'n pas te dra. Die pas (bewysboek) was 'n spesiale dokument wat die daaglikse beweging van swart mense gedurende die apartheidsera beperk het, met die doel om wit woongebiede te beveilig.[verwysing benodig]
In 2006 is die optog herhaal om die vyftigjarige herdenking te vier. Baie van die veterane wat in 1956 deelgeneem het, het dié geleentheid bygewoon.
Die geleentheid
Op 9 Augustus 1956 onderneem 20 000 vroue 'n optog na die Uniegebou in Pretoria om teen die voorgestelde wysigings aan die Groepsgebiedewet (algemeen bekend as die paswette) van 1950 te protesteer.
Die optog is deur die vroueaktiviste Helen Joseph, Lillian Ngoyi, Rahima Moosa en Sophia Williams gelei.
Sien ook
- Internasionale Vrouedag op 8 Maart.
- Moedersdag op die tweede Sondag van Mei.
- Lys van openbare vakansiedae in Suid-Afrika
This article uses material from the Wikipedia Afrikaans article Nasionale Vrouedag, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.