Mieliestronk: Afrikaanse webwerf wat ten doel gehad het om kinders met hul skooltake te help
Mieliestronk, of Dugeot se Mieliestronk soos dit ook bekend staan, was 'n Afrikaanse webwerf wat ten doel gehad het om kinders met hul skooltake te help.
| Mieliestronk | |
|---|---|
 | |
| Tipe webblad | Ensiklopedie |
| Taal(e) | Afrikaans |
| Registrasie | Geen |
| Eienaar | Naspers |
| Opgerig | 2001 |
| Huidige status | Onaktief |
| URL | mieliestronk.com (Dooie skakel) |
Op Mieliestronk was inligting oor spesifieke onderwerpe op 'n ensiklopediese maar informele wyse aangebied. Mieliestronk poog egter ook om mense te help wat hul algemene kennis wil opskerp. Die webwerf bestaan sedert 2001 en is vroeër deurlopend uitgebrei, maar dit word reeds verskeie jare lank nie meer aangevul of bygewerk nie. Mieliestronk se materiaal was in een stadium ook te koop en het in verskeie pakkette voorgekom.
In Desember 2011 is 'n kontrak beklink waarkragtens Mieliestronk deur die Naspers-filiaal Media24: Weeklikse Tydskrifte by die oorspronklike webmeester, G. (Ollie) Olwagen, oorgeneem is. Olwagen, wat 'n senior tydskrifjoernalis was tot met sy aftrede rondom die eeuwisseling, het die webwerf omstreeks 2001 begin en dit deur die jare op eie houtjie met weinig hulp opgebou tot waar dit mettertyd in skooltyd tot 44 000 klikke per dag ontvang het (tot 153 000 sogenaamde unieke besoeke per maand).
Ondanks Mieliestronk se stagnasie en veranderde internetpatrone, het die webwerf se hoofbladsy in 2017 – in "goeie skoolmaande" soos Februarie, Mei en Augustus – steeds nagenoeg of meer as 50 000 unieke besoeke per maand ontvang. Materiaal uit Mieliestronk is in verskeie skoolboeke opgeneem soos in die Platinum-reeks handboeke. Mieliestronk is sedert Junie 2023 nie meer beskikbaar op die internet nie.
Sien ook
- Sjabloon:Mieliestronk
- Wiki: Lys van onderwerpe, 'n lys geïnspireer deur Mieliestronk se onderwerpe.
Eksterne skakel
- https://web.archive.org/web/20230519030841/https://www.mieliestronk.com/ Wayback-masjien weergawe
This article uses material from the Wikipedia Afrikaans article Mieliestronk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.