Ehíto Ymaguare ha'e akue avano'õ mba'eguasuitéva ojejuhu Yvate Áfrikape ha Kuarahyresẽ Aguĩguápe, ysyry Nílo rembe'y ykére, amoite upe yvy pehẽngue ko'ãga ojejuhúva Ehíto retã.
Ára Ymaguarépe oĩ niko umi avano'õ mba'eguasuvéva ha mbaretevéva apytépe, oñepyrũ ary 3100 Kirito mboyvépe ha opa ary 30 Kirito mboyvépe, ho'a rire Rróma mburuvi poguýpe.
Amo ary 3100 Kirito mboyvépe, Ehíto avano'õ heko peteĩma ha imbareteve, upe guive oisãmbyhy faraõ peteĩha (Narmer), faraõ niko ojeheroháicha umi oisãmbyhy va'ekue Ehíto Ymaguarére, ha upéi Ehíto avano'õ hi'are puku ohasa peve 3000 ary. Opa peve faraõnguéra ñesãmbyhy ary 30 Kirito mboyvépe, ho'árõguare Ehíto Mburuvi rrománo poguýpe ha oiko chugui peteĩ tetãvore.
Ehíto retãygua ohaikuaa umi heróglifo rupive (ta'anga'i ohechaukáva mba'e opaichagua), ojapo hikuái opy tuichaitéva ha tyvy yvateitéva ojeheróva pirámide, oñemuite hikuái umi tetã ijykeguáre ha heta ñorairõ guasúpe ipu'aka porã. Ojerovia hikuái hetaite tupãre ha jeroviaháre, umi pa'i Ehíto pegua imba'ehetáva ha ipoguasúva. Umi oisãmbyhýva hesekuéra, Faraõ, oje'e hese Tupã ra'yha.
This article uses material from the Wikipedia Avañe'ẽ article Ehíto Ymaguare, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.