Arapoteĩ Marangatu

Ko ára imba'eguasúko Hesu rape ojeroviávape, ojeromandu'águi Hesu Kirito omano kurusúre, upévare pe katóliko jerovia oporojapouka karu'ỹ ha so'o je'u'ỹ.

Ko árape ojerovia oiko pe Hesu Kirito ñemano, omombe'uháicha umi irundy momaranduporã, Hesu oñemyakãsã ha oho oporombojovakehápe, umi Hudío oñembyaty ha ojerure Pilátope ojukauka Hesúpe, Piláto ombyepotika rire Hesúpe, omondo oñemosãingo haguã kurusúre.

	28Ko'ã mba'e rire, Hesu oikuaáma opa mba'e oguahẽmaha hu'ãme, ha oiko haguã Ñandejára Ñe'ẽme he'iháicha, he'i: --Che yuhéi. 29Upe rupi oĩ peteĩ mbayru henyhẽva kaguyry reheve. Upépe omyakỹ hikuái peteĩ ygaurã, ha oñapytĩ rire peteĩ yvyra apýre omboja ijurúre. 30Hesu ho'u pe kaguyry, ha upéi he'i: --Ko'ápe opáma".
—San Juan 19:28-30.

Pe arapoteĩ katu, heta tetãme asaje rupi, tupãópe hyapu peteĩ yvyrapararã, oporohenóiva. Péva ojehu vove, opavavéva oho tupãópe ogueromandu'ajey hag̃ua Hesu Kirito ñemano. Upépe oikoraẽ mandu'a upe kurusu rapére (vía crucis); ha upéva rire katu Hesu Kirito ra'ãnga ojehupijey kurusúre ha ojeromandu'a umi "pokõi ñe'ẽ". Upéi Hesu Kirito rete oñemboguejy ha oñemoinge tupão ryepýpe ha opavavéva oñemboja ojapóvo pe tupãitũ.

Oĩ avei upégui ohóva oñembo'e ha oitupãitũ ambue tupãópe, ohupyty peve pokõi tupão. Arapoteĩ ha'e ára ikirirĩvéva. Avave ndaikatúi osapukái térã oñe'ẽ hatã. Ndaikatúi ñañani ha mitãnguéra ndaikatúi ñañembosarái, omboja'o hag̃ua Kirito ñemano.

Ko'ã hína Arapokõindy Marangatu ára:

•  
  Pindo karai arateĩ
•  
  Arakõi marangatu
•  
  Araapy marangatu
•  
  Ararundy marangatu
•  
  Arapo marangatu
•  
  Arapoteĩ marangatu
•  
  Arapokõi marangatu