Gobyerno
An gobyerno iyo an sistema o grupo nin mga tawo na namamayo sa sarong organisadong komunidad, na sa pankagabsan sarong estado.
Kun dapit sa mahiwas na pakahulogan kaiyan, an gobyerno sa parate kompwesto nin mga lehislatura, ehekutibo, asin hudikatura. An gobyerno sarong paagi na an mga palakaw kan organisasyon ipinaootob, siring man bilang sarong mekanismo sa pagdeterminar kan palakaw. Sa dakol na nasyon, an gobyerno igwa nin klase nin konstitusyon, kapahayagan kan namamayong mga prinsipyo asin pilosopiya kaiyan.
Minsan ngani an gabos na klase nin organisasyon an nagkokontrol, an terminong gobyerno parateng mas espesipikong ginagamit tanganing apodon an mga 200 na independienteng nasyonal na gobyerno asin subsidiaryong organisasyon.
An mayor na mga klase nin politikal na mga sistema sa modernong kapanahonan mga demokrasya, monarkiya, asin autoritaryarian asin totalitaryanong mga rehimen. Kaiba sa lakop sa kasaysayan na mga klase nin gobyerno an monarkiya, aristokrasya, timokrasya, oligarkiya, demokrasya, teokrasya, asin tiraniya. An mga pormang ini bako pirming esklusibo, asin an saralak na gobyerno ordinaryo na sana. An pangenot na aspekto kan arin man na pilosopiya nin gobyerno iyo an kun paano nagkakaigwa nin politikal na kapangyarihan, na an duwang pangenot na porma iyo an nin mga elektoral contest asin hereditaryong pagkasunodsunod.
This article uses material from the Wikipedia Bikol article Gobyerno, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.