Zanzibar-Vlindervis
Die Zanzibar-vlindervis (Chaetodon zanzibarensis) is vlindervis wat in die westelike Indiese Oseaan voorkom: van Somalië suidwaarts tot by die suide van Mosambiek.
Dit kom selde in Suid-Afrikaanse kuswater voor. In Engels staan dit bekend as die Zanzibar butterflyfish.
| Zanzibar-vlindervis | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Chaetodon |
| Spesie: | C. zanzibarensis |
| Binomiale naam | |
| Chaetodon zanzibarensis Playfair, 1867 | |
Identifikasie
Die vis word tot 12 cm lank en is een van die kleiner vlindervisse. Die vis se lyf is goudgeel met verskeie, amper horisontale, dowwe swart lyne wat oor die lyf strek. Daar is 'n ronde swart kol aan die bokant van die lyf en 'n swart vertikale streep oor die oog. Die stertvin is ook geel met die rand wat deursigtig is. Die jong visse lyk amper soos die volwasse visse maar die lyne is dowwer.
Die vis leef in tropiese strandmere en aflandige koraalriwwe in dieptes van 3 tot 40 m. Hulle is gewoonlik alleenlopers maar kan ook in pare voorkom. Hulle vreet hoofsaaklik koraal poliepe. Die vis lyk baie soos die eenkolvlindervis.
Sien ook
Bronne
- Reef fishes & corals – East coast of Southern Africa. Dennis King. Struik Nature. 1996 ISBN 978-1-86825-981-6
- The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3
Eksterne skakel
This article uses material from the Wikipedia Afrikaans article Zanzibar-vlindervis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.