Yekatit 12 (Amharies: የካቲት ፲፪) is ’n datum op die Ge'ez-kalender wat verwys na die slagting en inhegtenisneming van Ethiopiërs deur Italiaanse besettingsmagte ná ’n sluipmoordpoging op maarskalk Rodolfo Graziani, onderkoning van Italiaans-Oos-Afrika, op 19 Februarie 1937.
Graziani het die Italiaanse magte na oorwinning gelei in die tweede Italiaanse inval in Ethiopië.
Graziani (tweede van links, in uniform) kort voor die mislukte sluipmoordaanval.
Die slagting is beskryf as die ergte in die Ethiopiese geskiedenis. Ramings van die mense wat in die drie dae ná die aanslag op Graziani se lewe vermoor is, wissel. Ethiopiese bronne se raming is sowat 30 000 mense, terwyl Italiaanse bronne beweer dit was ’n paar honderd. ’n Weergawe van 2017 oor die slagting raam dat sowat 19 200 mense dood is: 20% van die inwoners van Addis Abeba.
In die volgende weke is talle Ethiopiërs wat daarvan verdink is dat hulle teen die Italiaanse bewind is, bymekaargemaak en tereggestel, insluitende lede van die aristrokrasie. Keiser Haile Selassie het 125 mans oorsee gestuur om ’n universiteitsopleiding te kry, maar die meeste van hulle is vermoor. Nog talle is in die tronk gegooi, selfs mense wat saam met die Italiane gewerk en hulle gehelp het om die mans te identifiseer wat Graziani probeer vermoor het.
Galery
Die koppe van Ethiopiërs wat onthoof is.
Die koppe van Ethiopiërs wat onthoof is.
Ethiopiese slagoffers.
Ethiopiese slagoffers.
'n Ethiopiër wat gehang is.
'n Ethiopiër wat gehang is.
Ethiopiese slagoffers.
Ethiopiese slagoffers.
Nog ’n slagoffer.
Nog ’n slagoffer.
Verwysings
Skakels
Hierdie artikel is in sy geheel of gedeeltelik uit die Engelse Wiki vertaal.
This article uses material from the Wikipedia Afrikaans article Yekatit 12, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.
Hierdie artikel is in sy geheel of gedeeltelik uit die Engelse Wiki vertaal.