Wyehoeklens
’n Wyehoeklens verwys in fotografie en kinematografie na ’n lens waarvan die fokusafstand aansienlik kleiner is as by ’n normale lens.
Dit laat die fotograaf toe om ’n groter deel van die toneel op film vas te lê; dit is veral nuttig in argitektuur-, binnneshuise en landskapfotografie waar die fotograaf dalk nie in staat is om ver genoeg van die toneel af te beweeg om ’n spesifieke voorwerp in sy geheel in sy visier te kry nie.
Nog ’n gebruik is om die verskil in grootte of afstand tussen voorwerpe op die voor- en agtergrond te beklemtoon; nader voorwerpe lyk baie groter as verder afgeleë voorwerpe. Dié verskynsel kan gebruik word om voorwerpe op die voorgrond te laat uitstaan, terwyl die agtergrond ’n groot gebied dek.
By ’n normale lens in stilfotografie is die fokusafstand min of meer so groot soos die diagonale lengte van die filmraampie of beeldsensor. Vir 35 mm-kameras is die diagonale lengte van die film 43 mm en ’n tipiese "normale" lens het ’n fokusafstand van 50 mm. ’n Wyehoeklens se fokusafstand is 35 mm en korter.
In kinematografie word ’n fokusafstand van dubbel die diagonaal as "normaal" beskou.
Verwysings
 Fotografie |
|---|
| Beeldsensor • Beligting • Daguerreotipe • Digitale kamera • Donkerkamer • EF-lenspassing • Enkellensreflekskamera • F-nommer • Film • Filmspoed • Fokus • Fokusafstand • Intreepupil • Kamera • Lensopening • Lensopeningprioriteit • Pentaprisma • Professionele videokamera • Reël van derdes • RGB-kleurmodel • Sluiterprioriteit • Sluiterspoed • Telefotolens • Veelvoudige beligting • Velddiepte • Wyehoeklens Geomerking • Groepering • Holografie • Natuurfotografie • Selfie • Snelreeksfotografie • Wildfotografie 35 mm ekwivalente fokuslengte • CMYK-kleurmodel • Kleurtemperatuur • Rooi-oogeffek • Swart-en-wit • Zoemlens |
| Wysig hierdie sjabloon |
This article uses material from the Wikipedia Afrikaans article Wyehoeklens, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.