Wittewater
Wittewater is 'n gehug langs die R399-streeksroete tussen Piketberg en Velddrif wat in 1859 deur die Morawiese sendelinge van Mamre gestig is.
In daardie jaar koop hulle die plaas Wittewater naby die Bergrivier. Die nabysynde spoorweghalte het die naam Moravia. Met die 1891-sensus in die Kaapkolonie was hier 350 inwoners. Net na die jaar 2000 was daar nagenoeg 1 500 mense woonagtig.
Wittewater | |
|---|---|
  Wittewater Wittewater se ligging in Wes-Kaap | |
| Koördinate: 32°54′55″S 18°42′10″O / 32.91528°S 18.70278°O 18°42′10″O / 32.91528°S 18.70278°O | |
| Land |  Suid-Afrika |
| Provinsie | Wes-Kaap |
| Distrik | Weskus |
| Munisipaliteit | Bergrivier |
| Oppervlak | |
| • Totaal | 0,48 km2 (0,19 vk. myl) |
| Bevolking (2011) | |
| • Totaal | 848 |
| • Digtheid | 1 767/km2 (4 580/vk. myl) |
| Rasverdeling (2011) | |
| • Indiërs/Asiërs | 0.1% |
| • Bruin mense | 98.0% |
| • Swart mense | 1.9% |
| Taal (2011) | |
| • Afrikaans | 97.5% |
| • Engels | 1.7% |
| • Ander | 0.8% |
Geskiedenis
Die sendingstasie Wittewater is gestig omdat 'n testamentêre bepaling die sendelinge verhoed het om in Goedverwacht te woon. Die plaas, Wittewater, is in April 1859 deur die Morawiese Sendinggenootskap aangekoop om as standplaas te dien sodat die bediening in Goedverwacht, daarvandaan gedoen kon word. Eerw JWA Stoltz het hom op 15 Mei 1859 op die plaas gaan vestig.
Die toeloop van ontstamde Khoi, wegloperslawe en vrygestelde slawe het meegebring dat die standplaas in 'n sendingstasie ontwikkel het. Die onverwagte groei het druk op die waterbron van die sendingstasie geplaas. Die naburige plaas, Hexvalley, is aangekoop om die bevolking te huisves aangesien daar meer water vir huishoudelike en landbougebruik was.
Wittewater was dus die eerste Morawiese sendingstasie wat in die Trans-Bergriviergebied gevestig is.
Bibliografie
- Murray, M.I.: Witwater se mense. Kaapstad: Tafelberg, 1976. ISBN 0-624-00507-0
Sien ook
Verwysings
This article uses material from the Wikipedia Afrikaans article Wittewater, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.