Windows 10

Windows 10

Deel van die Microsoft Windows-familie
Ontwikkelaar
Microsoft Corporation
Webblad	http://windows.microsoft.com
Vrystellings
Aanvanklike vrystelling	29 Julie 2015
Bronkodemodel	Geslote bron en gedeelde bron
Kerntipe	Windows NT
Voorafgegaan deur	Windows 8.1 (2013)
Ondersteuningstatus
Verdere leesstof

Windows 10 (kodenaam Redstone, voorheen Threshold) is 'n persoonlike rekenaar bedryfstelsel ontwikkel en vrygestel deur Microsoft, as deel van die Windows NT-familie van bedryfstelsels. Dit is op 29 Julie 2015 vrygestel. Dit is die eerste weergawe van Windows wat deurlopende funksieopdaterings ontvang. Toestelle in die ondernemingsomgewings kan hierdie opdaterings teen 'n stadiger tempo ontvang, of die gebruik van langtermyn-ondersteuningsmylpale wat net kritiese opdaterings ontvang, soos bv. sekuriteitsherstelle, oor hul tien-jaar-leeftyd van uitgebreide ondersteuning.

Microsoft het beplan om Windows 10 op ten minste een miljard toestelle geïnstalleer te kry in die twee tot drie jaar na sy vrystelling. Windows 10 se gebruik is aan die toeneem, terwyl dit uiteindelik in 2018 meer gewild geword het as Windows 7. Teen November 2017 loop die bedryfstelsel op meer as 600 miljoen toestelle en het dit 'n geskatte gebruiksaandeel van 32% op tradisionele rekenaars en 15% oor alle platforms (PC, selfoon, tablet, en konsole).

Windows 10 harmoniseer die gebruiker se ervaring en funksionaliteit tussen die verskillende klasse van toestelle, en adresseer tekortkominge in die gebruikerkoppelvlak wat ondervind is met Windows 8. Windows 10 Mobile, die opvolger van Windows Phone 8.1, deel 'n paar gebruikerkoppelvlakelemente en programme met sy rekenaareweknie.

Windows 10 stel bekend wat Microsoft beskryf as "universal apps", deur uit te brei op die Metro-styl apps. Hierdie programme kan ontwerp word om op verskeie Microsoftprodukte te loop met byna identiese kode, insluitende PC's, tablette, slimfone, ingebedde stelsels, Xbox One, Surface Hub en Mixed Reality. Die Windows gebruikerkoppelvlak is hersien om oorgange tussen 'n muis-georiënteerde koppelvlak en 'n raakskerm-geoptimaliseerde koppelvlak te kan hanteer, gebaseer op die beskikbare insettoestelle veral op 2-in-1 rekenaars. Beide koppelvlakke sluit 'n opgedateerde openingspyskaart in, wat elemente van Windows 7 se tradisionele Start menu met die teëls van Windows 8 kombineer. Die eerste vrystelling van Windows 10 stel ook 'n virtuele rekenaarstelsel, 'n venster- en rekenaar-bestuursfunksie genoem Task View, die Microsoft Edge webblaaier, ondersteuning vir vingerafdruk en gesigserkenning, nuwe sekuriteitskenmerke vir die ondernemingomgewings, en DirectX 12 en WDDM 2.0 vir die verbetering van die bedryfstelsel se grafiese vermoëns vir speletjies.

• 30 September 2014 – Windows 10 is amptelik aangekondig.

2015

• 21 Januarie – Microsoft het aangekondig dat die meeste van die toestelle wat tans ten minste Windows 7 SP1 of Windows 8.1 Update gebruik, 'n gratis opgradering na Windows 10 sal kry as dit binne die eerste jaar gedoen word.
• 2 Februarie – Microsoft het 'n gratis weergawe van Windows 10 vir Raspberry Pi 2 aangekondig.
• 2 April – Nuwe Office 2016 vir Touch-voorskou bekendgestel vir Windows 10.
• 18 Maart – Die 5de amptelike opdatering van Windows 10 (Build 10041) sedert die eerste bekendgestel is.
• 30 Maart – Die 6de amptelike opdatering van Windows 10 (Bou 10049) is bekendgestel.
• 15 Julie – Vrygestel vir vervaardiging (bou 10240)
• 29 Julie – Algemene beskikbaarheid (weergawe 1507)
• 12 November – November 2015 Opdatering (drempel 1, weergawe 1511, bou 10586)

2016

• 2 Augustus – Verjaarsdagopdatering (Redstone 1, Weergawe 1607, Bou 14393)

2017

• 5 April – Skeppersopdatering (Redstone 2, Weergawe 1703, Bou 15063)
• 17 Oktober – Fall Creators Update (Redstone 3, Weergawe 1709, Bou 16299)

2018

• 30 April – April 2018-opdatering (Redstone 4, weergawe 1803)
• 13 November – Oktober 2018-opdatering (Redstone 5, weergawe 1809)

2019

• 21 Mei – Mei 2019-opdatering (19H1, weergawe 1903)
• 12 November – November 2019 Opdatering (19H2, weergawe 1909)

2020

• 27 Mei – Mei 2020 Opdatering (20H1, weergawe 2004)
• 19 Oktober – Oktober 2020 Opdatering (20H2, Bou 19042)

2021

• 18 Mei – Mei 2021 Opdatering (21H1, Bou 19043)
• 16 November – November 2021 Opdatering (21H2, Bou 19044)

2022

• 18 Oktober – Oktober 2022 Opdatering (22H2, Bou 19045)

•   Hierdie artikel is uit die Engelse Wiki vertaal.