Ek wil graag my hartlike dank en waardering uitspreek teenoor Wiki Duitsland vir die toekenning van 'n reisbeurs wat my in staat sal stel om vanjaar se Wikimania-konferensie in Londen by te woon.
Dit is beslis 'n wonderlike voorreg om Wikipediane van dwarsoor die wêreld te ontmoet, my ervarings met hulle te deel en oor die toekoms van ons projek te gesels. Dit is Wiki Duitsland se uitdruklike wens dat beurshouers hul ervarings en indrukke met die gemeenskap deel.
Voyageur
Wiki is 'n wêreldwye beweging ter bevordering van die idee van vrye kennis. Die aanlyn-ensiklopedie Wikipedia en sy susterprojekte word bedryf deur die Wiki Foundation in San Francisco, Kalifornië. Daar is 40 onafhanklike nasionale organisasies wat Wikimedia-projekte ondersteun, soos byvoorbeeld Wiki Suid-Afrika.
Wiki Deutschland (WMDE) is die oudste en grootste van dié verenigings met 10 170 lede in 2014 (waarvan 1 750 aktiewe en 8 420 ondersteunende lede). Wiki Duitsland is 'n liggaam met regspersoonlikheid. Die hoogste beleidmakende liggaam is die ledevergadering (Mitgliederversammlung) wat twee keer per jaar vergader om besluite oor algemene sake te neem soos byvoorbeeld die vereniging se jaarlikse beplanning en om die beheerraad te verkies.
Wiki Duitsland se beheerraad (Präsidium) word vir 'n ampstermyn van een jaar deur die ledevergadering verkies om die vereniging se operasionele strategieë te formuleer. Die bestuurraad moniteer en hou toesig oor die werksaamhede van die voltydse bestuurders (Vorstand). In 2013 het Wiki Duitsland donasies ter waarde van 8 miljoen € (115,6 miljoen ZAR) ingesamel. Die totale inkomste het 11,6 miljoen € (167,4 miljoen ZAR) beloop.
In November 2013 het die medewerkers van Wiki Duitsland in hul nuwe kantoorruimtes in die Berlynse stadsdeel Kreuzberg ingetrek. Die straatadres (Tempelhofer Ufer 23) word as afkorting (TU23) gebruik om na die hoofkantoor te verwys wat in 'n historiese kantoorgebou gevestig is. Dié gebou het vroeër die hoofkwartier van die Berlynse ingenieursonderneming Orenstein & Koppel gevestig, 'n bekende vervaardiger van lokomotiewe en ander vervoertoerusting.
Die hoofkantoor beskik oor ruimtes en geriewe vir vergaderings, werkswinkels en ander byeenkomste. In Wiki Duitsland se programmeerders-saal word nuwe sagteware vir die Wikimedia-projekte ontwikkel.
Tydens kantoorure staan Wiki Duitsland se hoofkwartier oop vir besoekers. Lesers en gebruikers van die Afrikaanse Wikipedia, wat 'n besoek aan die Duitse hoofstad bring, is welkom om daar 'n draai te maak. Vrye draadlose internet-toegang word aan gaste verskaf.
Daar is vier afdelings:
Die Hackathon het al begin, die openingsplegtigheid van die Wikimania 2014-konferensie hier in Londen sal egter eers op Donderdagaand in die Barbican Centre plaasvind. Baie Wikipediane word in die Thistle Barbican City Hotel in Islington gehuisves - in 'n wonderlike buurt met ou en nuwe argitektuur naby die middestad, die City of London..
Lisa, een van die medewerkers van The Co-operative Food Store Shoreditch in Old Street, laat my dadelik tuisvoel. Ek het toevallig een van die hotelkamers sonder lugreëling gekry waar die hitte verskriklik word. The Co-op hou my met cranberry sparkling spring water aan die lewe - anders sou die Britse Museum 'n kans hê om 'n nuwe mummie by sy versameling te voeg!
Die Wikimania-konferensie 2014 is geopen met kort toesprake van Edward Saperia, die konferensie-direkteur; Jon Davies, die uitvoerende hoof van Wiki VK; JImmy Wales, die stigter van Wikipedia (wat juis sy verjaardag gevier het); Lila Tretikov, die uitvoerende direkteur van die Amerikaanse Wikimedia-stigting; en Salil Shetty, sekretaris-generaal van Amnesty International. Shetty het veral na die ooreenkomste tussen Wikipedia en Amnesty International verwys - albei internasionale organisasies word deur vrywilligers aan die gang gehou.
'n Verskeidenheid toesprake, referate, werkswinkels, rondetafelgesprekke en diskussies is aangebied, net soos informele byeenkomste van Wikipediane. Wikimania was ook 'n goue geleentheid om vrugbare gesprekke met gebruikers van ander projekte en lede van die Wikimedia-stigting te voer.
Die hooftemas in Londen was:
This article uses material from the Wikipedia Afrikaans article Wiki:Wikimania 2014, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.