'n Wasmasjien is 'n toestel wat vir die meganiese was van wasgoed soos tekstiele, vesels of klerestowwe gebruik word.
'n Wasmasjien kan daarnaas ook gebruik word om tekstiele te kleur. Die term word gewoonlik uitsluitlik gebruik om na huishoudelike of professionele toestelle te verwys wat water en waspoeier of vloeibare wasmiddels, dikwels ook wasgoedversagter, vir hul wasprogramme gebruik - in teenstelling met masjiene vir droogskoonmakers wat chemiese reinigers in hul skoonmaakprosesse gebruik.
Wasmasjiene kan verder onderverdeel word in
Outomatiese wasmasjiene werk volgens vooraf gestelde wasprogramme, waaronder spesiale handwasprogramme wat selfs satyn en kasjmier kan hanteer en word gewoonlik as voorlaaiers aangebied. Dubbelbalie-wasmasjiene, wat van bo af gelaai word, bied vir die gebruiker meer beheer oor die was- en spoelsiklus, energie- en waterverbruik en die watertemperatuur wat almal afsonderlik van mekaar verstel kan word.
Bolaaiers kan warm water uit 'n geiser gebruik, in teenstelling met outomatiese toestelle wat gebruik maak van koue water wat vir die wassiklus verhit word. Sommige gekombineerde toestelle kan net die helfte van die wasgoed droogmaak wat hulle vooraf gewas het.
This article uses material from the Wikipedia Afrikaans article Wasmasjien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.