Walliesers

Hierdie artikel handel oor die etniese groep. Vir die taal, sien Wallies.

Dié taal is histories in die hele Wallis gepraat, met sy voorganger Oud-Brits wat in die grootste deel van die Britse vasteland gepraat is. Terwyl Wallies die oorheersende taal in sekere gebiede van Wallis gebly het, is Engels die oorheersende taal in die meeste gebiede van dié land.

Walliesers
Totale bevolking:	ca. 6–16,3 miljoen
Belangrike bevolkings  in:	Wallis 2,9 miljoen  Verenigde State 1,75–1,81 miljoen  Engeland 609 711  Kanada 458 705  Australië 125 597  Argentinië 50 000  Skotland 16 623  Nieu-Seeland 9 966
Taal:	Engels, Wallies
Geloofsoortuiging:	Presbiterianisme, Anglikanisme, Rooms-Katolisisme en ander gelowe.
Verwante etniese groepe:	Ander Keltiese volke soos Bretonners, Iere, Korniese en Skotte; Engelse, Yslanders en Wikings

John Davies beweer dat die oorsprong van die "Walliese nasie" teruggevoer kan word tot die einde van die 4de en vroeë 5de eeu, na die onttrekking van die Romeine uit Groot-Brittanje, hoewel Kelties-Britoniese tale vermoedelik heelwat vroeër in Wallis gepraat is. Die term Walliesers verwys na Wallis se bevolking en mense van Walliese afkoms wat 'n kulturele erfenis en voorvaderlike oorspronge deel. Vandag is Wallis een van die vier lande van die Verenigde Koninkryk en die meerderheid van die mense wat in Wallis leef is Britse burgers.

In opdrag van die Walliese regering is die verspreiding van die Walliese vanne ondersoek, wat getoon het dat 718 000 mense, of omtrent 35% van Wallis se bevolking, oor 'n van met Walliese oorsprong beskik, in vergelyking met 5,3% in die res van die Verenigde Koninkryk, 4,7% in Nieu-Seeland, 4,1% in Australië en 3,8% in die Verenigde State. Sowat 16,3 miljoen mense in die lande wat ondersoek is, is ten minste van gedeeltelike Walliese afkoms. Volgens die sensus van 2011 woon meer as 300 000 Walliesers in Londen, waarvan 1 310 Wallies praat.

• Walliesers in Argentinië

•   Hierdie artikel is vertaal uit die Engelse Wiki

• Wiki Afrikaans  Wiki Commons het meer media in die kategorie Walliesers.