Voltaire: Franse skrywer, historikus en filosoof
Voltaire (* 21 November 1694; † 30 Mei 1778 in Parys; eintlik François Marie Arouet ) was een van die mees gelese en invloedrykste skrywers van die Franse en Europese Verligting.
Die 18de eeu word derhalwe in Frankryk ook "Voltaire se eeu" (le siècle de Voltaire) genoem.
Voltaire | |
|---|---|
_-001.jpg) Voltaire, Portret deur Nicolas de Largillière | |
| Gebore | François-Marie Arouet 21 November 1694 |
| Sterf | 30 Mei 1778 (op 83) Parys, Frankryk |
| Nasionaliteit |  Frankryk |
| Beroep | Skrywer, filosoof, dramaturg |
| Ouer(s) | François Arouet Marie Marguerite d'Aumart |
As lirikus, dramatikus en epikus het Voltaire vir die kundige publiek van sy tuisland, as verhaalskrywer en filosoof vir die hele Europese hoër klas van sy tyd geskryf wat, of hulle nou van adellike of burgerlike afkoms was, meestal die Franse taal magtig was.
Baie van sy sowat 750 werke is verskeie kere herdruk en dadelik in ander Europese tale vertaal.
Voltaire, wat oor uitstekende kennis in Engels en Italiaans beskik het, het self enkele tekste in dié twee tale gepubliseer. Hy het 'n groot deel van sy lewe buite Frankryk deurgebring en in Nederland, Engeland, Duitsland en Switserland gebly. Met sy kritiek op die wantoestande van die absolutistiese magstelsel en die feodalisme asook op die Rooms-Katolieke Kerk se monopolie op die lewensbeskouing was hy 'n belangrike wegbereider vir die Franse Rewolusie.
Die wapens, wat hy in die stryd vir sy oortuigings gebruik het, was sy uitgebreide kennis van 'n verskeidenheid velde, sy fantasie, sensitiwiteit en empatie, sy presiese en algemeen toeganklike skryfstyl asook sy sarkasme en ironie.
This article uses material from the Wikipedia Afrikaans article Voltaire, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.