Voëlent of vuurhoutjies (Tapinanthus oleifolius (J.C.Wendl.) Danser) is 'n halfparasiet wat op talle bome kan groei.
Dit is inheems aan Namibië en Suid-Afrika en kom in die provinsies Noord-Kaap, Vrystaat, Noordwes en Limpopo voor. Dit is op die SANBI-rooilys as 'veilig' gelys.
Voëlent | |
---|---|
Wetenskaplike klassifikasie | |
Koninkryk: | |
(geen rang): | |
(geen rang): | |
(geen rang): | Core eudicots |
Orde: | Santalales |
Familie: | Loranthaceae |
Genus: | Tapinanthus |
Spesie: | T. oleifolius |
Binomiale naam | |
Tapinanthus oleifolius (J.C.Wendl.) Danser | |
Sinonieme | |
|
Hierdie plant groei aan bome vas en gebruik hul plantsap. Dit het verdikte blare wat vaalgroen van kleur is. Dit dra opvallende blomme wat gewoonlik 'n rooi kleur het en insekte aantrek. Die vrug het 'n rooi velletjie wat deur voëls gevreet word. Daaronder is die pit wat baie klewerig is en hom aan die voël se bek vasheg. Die voël probeer van die pit ontslae te raak deur dit teen 'n tak te vryf, wat die saadjie op 'n tak van 'n ander boom "ent". Op die plek waar dit vassit veroorsaak dit abnormale groei van die gasheer. Die 'houtrose' wat dit veroorsaak word soms as dekorasie gebruik.
Die halfparasiet tap in die gasheerboom se xileem en verkry daarmee stikstof- en koolstofverbindings. Hoewel die voëlent ook self fotosinteer, kan tussen 35% en 78% van die fotosintetiese produkte van die gasheer afkomstig wees.
This article uses material from the Wikipedia Afrikaans article Voëlent, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.