Vlag Van Tanzanië

Die vlag vertoon ’n driekleur in groen, swart en blou met geel fraaiings langs die swart baan wat skuins oor die vlag loop van onder in die vlagpaalkant tot bo in die wapperkant.

Vlag van Tanzanië

Gebruik	Nasionale vlag en vaandel
Verhouding	2:3
Goedgekeur	30 Junie 1964
Ontwerp	’n Driekleur in groen, swart en blou met geel fraaiings langs die swart baan en die swart baan loop skuins oor die vlag.

Groen stel die natuurlike plantegroei in die land voor, swart stel die inheemse Swahili-bevolking van die land voor, blou stel die baie mere en riviere en die Indiese Oseaan voor en geel stel die land se minerale rykdom voor.

Net soos die naam van die land ’n kombinasie is van Tanganjika en Zanzibar, so is die vlag ’n samestelling van die vlae van hierdie twee voormalige state. Die vlag van Tanganjika is horisontaal gestreep in groen, swart en groen met geel fraaiings om die swart baan, en die vlag van Zanzibar was tot 1964 ’n horisontaal gestreepte driekleur in swart, geel en blou. Sedert Januarie 2005 gebruik Zanzibar ’n blou, swart en groen driekleur met vlag van Tanzanië in die skildhoek.

• Vlag van Zanzibar

• (en) Tanzanië by Flags of the World.
• (en) "Flag of Tanzania". Encyclopædia Britannica. Besoek op 15 Mei 2019.

Hierdie artikel is in sy geheel of gedeeltelik vanuit die Engelse Wiki vertaal.