Vlag Van Suid-Soedan

Vlag van Suid-Soedan

Gebruik	Nasionale vlag en vaandel
Verhouding	1:2
Goedgekeur	9 Julie 2005/11
Ontwerp	’n Blou driehoek aan die vlagpaalkant met ’n geel ster en drie bane in swart, rooi en groen met wit fraaiings langs die rooi baan op die wapperkant.

Die vlag is aanvaar na die ondertekening van Naivasja-ooreenkoms wat die einde van die tweede Soedannese burgeroorlog bevestig het. Die vlag is aanvanklik gebruik deur die Soedannese Volksbevrydingsbeweging (SPLM).

 

Saam met die vlag van Suid-Afrika is die vlag van Suid-Soedan een van net twee vlae wêreldwyd wat ses verskillende kleure in sy ontwerp het (dit sluit skakerings van een kleur in ’n vlag uit). Die kleure stel die volgende voor: swart stel die Soedannese bevolking voor, rooi stel die gevloeide bloed in die stryd om vryheid voor, groen stel die land voor en die ster verteenwoordig die Ster van Bethlehem.

Kleure

Volgens die Suid-Soedanese regering verteenwoordig die kleure van die vlag:

• Swart: Die mense van Suid-Soedan.
• Rooi: Die bloed wat op pad na onafhanklikheid gevloei het.
• Groen: Die land se landbou, natuurlike rykdom, grond, sowel as vordering.
• Wit: Suid-Soedan se vrede ná baie jare se bevrydingsstryd.
• Blou: Waters van die Nylrivier, ’n bron van lewe vir die land.
• Geel: Verteenwoordig eenheid (van die deelstate), hoop en vasberadenheid vir alle mense.

Die vlag is soortgelyk aan die vlag van Kenia met die toevoeging van die blou driehoek en geel ster aan die vlagpaalkant en die weglating van die motief op die vlag van Kenia.

Soortgelyke vlae

• Vlag van Soedan

• (en) Suid-Soedan by Flags of the World.
• (en) "Flag of South Sudan". Encyclopædia Britannica. Besoek op 15 Mei 2019.

Hierdie artikel is in sy geheel of gedeeltelik vanuit die Engelse Wiki vertaal.