Vlag Van Nigerië
Die nasionale vlag van Nigerië is op 1 Oktober 1960 amptelik in gebruik geneem.
Die vlag vertoon ’n vertikale tweekleur met ewe wye bane in groen, wit en groen.
 | |
| Gebruik | Nasionale vlag  |
|---|---|
| Verhouding | 1:2 |
| Goedgekeur | 1 Oktober 1960 |
| Ontwerp | ’n Vertikale tweekleur in groen, wit en groen. |
| Ontwerp deur | Michael Taiwo Akinkunmi |
 | |
| Gebruik | Burgerlike vaandel  |
| Verhouding | 1:2 |
| Ontwerp | ’n Rooi vlag met die nasionale vlag in die skildhoek. |
 | |
| Gebruik | Staatsvaandel  |
| Verhouding | 1:2 |
| Ontwerp | ’n Blou vlag met die nasionale vlag in die skildhoek. |
 | |
| Gebruik | Vlootvaandel  |
| Verhouding | 1:2 |
| Ontwerp | ’n Wit vlag met die nasionale vlag in die skildhoek en die kenteken van die Nigeriese vloot op die wapperkant. |
 | |
| Bynaam | Lugmagvaandel |
| Verhouding | 1:2 |
| Ontwerp | ’n Lugmagblou vlag met die nasionale vlag in die skildhoek en die kenteken van die Nigeriese lugmag op die wapperkant. |
Simboliek
Elk van die drie bane het ’n unieke betekenis. Groen stel die landbou voor, wat Nigerië se vernaamste vorm van inkomste is, asook die skoonheid van die land (onderskeidelik die woude en die velde) en wit stel die Nigerrivier voor asook vrede en eenheid.
Ontwerp
Die nasionale vlag is ’n aanpassing van die weninskrywing in ’n kompetisie wat in 1959 gehou is. Die oorspronklike ontwerp het ’n rooi son met uitgaande strale bo-aan die wit baan gehad maar die beoordelaars het dit verwyder en sedertdien is die vlag nie verander nie. Die ontwerper was Michael Taiwo Akinkumni, ’n student van Ibadan, wat die kompetisie in ’n koerant gesien het. Die ontwerp is in 1958 gekies as die beste ontwerp en die vlag is uiteindelik gebruik om Nigerië se onafhanklikheid te vier op 1 Oktober 1960, toe die Britse vlag gestryk is en die nuwe Nigeriese vlag gehys is.
.svg)
Kleure
Die kleurskema word hieronder gelys:
| Kleurskema | Groen | Wit | ||
|---|---|---|---|---|
| RAL | Geen | 9003 Seinwit | ||
| CYMK | 100.0.39.47 | 0.0.0.0 | ||
| Heksadesimaal | #008753 | #FFFFFF | ||
| Desimaal | 0,135,83 | 255,255,255 | ||
Geskiedenis
Totdat Nigerië in 1960 onafhanklik geword het, was dit ’n Britse kolonie. Tussen 1821 en 1877 het dit deel uitgemaak van Brits-Wes-Afrika en is ’n vlag van die kolonie gebruik (’n blou Britse vaandel) met die koloniale embleem. As afsonderlike Britse kolonie (1877 tot 1960) was die naam van die gebied Lagos-kolonie. ’n Blou Britse vaandel met die koloniale wapen van die Lagos-kolonie aan die wapperkant is toe amptelik gebruik. Op die koloniale wapen staan ’n olifant voor ’n palmboom en ’n groen berglandskap. Onder die olifant staan in rooi letters die voorletter van die gebied (L.). Gambië, Ghana (toe die Goudkus) en Sierra Leone, ook voormalige Britse kolonies, het dieselfde koloniale wapen gebruik maar met hul eie voorletters daarop (G., G.C. en S.L. onderskeidelik). Brits-Nigerië het ’n blou Britse vaandel gebruik met die kenteken van Nigerië (’n rooi skyf met ’n groen Dawidster (soos die vlag van Marokko) en ’n kroon in die middel van die ster) op die wapperkant.
-
Vlag van Brits-Wes-Afrika, 1870 tot 1888 -
Vlag van die Britse goewerneur, 1870 tot 1888 -
Vlag van die Olie-rivier Protektoraat, 1884 tot 1893 -
Vlag van die Lagos-kolonie, 1888 tot 1906 -
Vlag van die Britse goewerneur van die Lagos-kolonie, 1888 tot 1906 -
Vlag van die Koninklike Nigermaatskappy, 1887 tot 1888 -
Vlag van die Koninklike Nigermaatskappy, 1888 tot 1899 -
Vlag van die Nigerkus-Protektoraat, 1893 tot 1899 -
Vlag van die Kommissaris van die Nigerkus-Protektoraat, 1893 tot 1899 -
Vlag van die Noord-Nigeriese Protektoraat, 1900 tot 1914 -
Vlag van die Hoë-kommissaris van die Noord-Nigeriese Protektoraat, 1908 tot 1914 -
Vlag van die Suid-Nigeriese Protektoraat, 1900 tot 1914 -
Vlag van die Hoë-kommissaris van die Suid-Nigeriese Protektoraat, 1906 tot 1914 -
Vlag van Koloniale Nigerië, 1914 tot 1952 -
Vlag van Koloniale Nigerië, 1952 tot 1960 -
Vlag van die goewerneur-generaal van Nigerië, 1914 tot 1952 -
Vlag van die goewerneur-generaal van Nigerië, 1952 tot 1960 -
Vlag van die Nigeriese hawensowerheid, 1955 tot 1960 -
Voorgestelde vlag vir Nigerië -
Vlag van die goewerneur-generaal van die Nigeriese Federasie, 1960 tot 1963 -
Vlootvaandel van Nigerië, 1960 tot 1998 -
Vlag van die Republiek van Benin, 1967 -
Vlag van Biafra, 1967 tot 1970
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
Ander vlae
.svg)
.svg)
Soortgelyke vlae
.svg)
Eksterne skakels
| Wiki Commons bevat media in verband met Vlae van Nigerië. |
- (en) Nigerië by Flags of the World.
- (en) "Flag of Nigeria". Encyclopædia Britannica. Besoek op 24 Maart 2020.
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Vlag van Nigerië, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.