Vlag Van Mauritius
Die nasionale vlag van Mauritius is op 12 Maart 1968 amptelik in gebruik geneem.
Die vlag vertoon ’n horisontale vierkleur met ewe wye bane in (van bo na onder) rooi, blou, geel en groen. Die vlag staan bekend as The Four Bands in Engels en Les Quatre Bandes in Frans wat "Die vier bane" beteken.
 | |
| Bynaam | (en) The Four Bands (fr) Les Quatre Bandes (af) Die vier bane |
|---|---|
| Gebruik | Nasionale vlag  |
| Verhouding | 2:3 |
| Goedgekeur | 12 Maart 1968 |
| Ontwerp | ’n Horisontale vierkleur met rooi blou geel en groen. |
| Ontwerp deur | Gurudutt Moher |
 | |
| Gebruik | Burgerlike vaandel  |
| Verhouding | 1:2 |
| Ontwerp | ’n Rooi vlag met die wapenskild op die wapperkant en die nasionale vlag in die skildhoek. |
 | |
| Gebruik | Staatsvaandel  |
| Verhouding | 1:2 |
| Ontwerp | ’n Blou vlag met die wapenskild op die wapperkant en die nasionale vlag in die skildhoek. |
 | |
| Gebruik | Vlootvaandel  |
| Verhouding | 26:57 |
| Ontwerp | ’n Vlag met rooi, wit en blou ongelyke vertikale bane met ’n ster en anker/sleutel in die middel. |
Simboliek
Die vier bane van die vlag stel elk die volgende voor: rooi stel die bloed voor wat gevloei het in die stryd om onafhanklikheid, blou stel die Indiese Oseaan voor (Mauritius is geleë in die Indiese Oseaan), geel stel die nuwe lig van onafhanklikheid voor wat oor die eiland skyn asook die goue sonskyn en groen stel die welige plantegroei van die eiland voor.
Kleure
Die amptelike kleurkodes van die vlag is in ooreenstemming met die Mauritius Standard Bureau.
Kleur en Pantone:
- Rooi 18-1664TC of 185 C
- Blou 19-3939TC of 295 C
- Geel 14-0957TC of 116 C
- Groen 17-6030TC of 356 C
Ontwerp
Die huidige vlag is op 12 Maart 1968 aanvaar toe Mauritius onafhanklikheid van die Verenigde Koninkryk verkry het. Die kleure van die vlag is afkomstig van die wapenskild van Mauritius, wat deur Koning Edward VII in 1906 aan Mauritius toegeken is.
Groottes
Die amptelike groottes van die vlag is in ooreenstemming met die Mauritius Standard Bureau; standaard MS.1-1:2011. Die vlag het ’n verhouding van 2:3.
| Vlagsoort | Breedte × hoogte (mm) | Hoogte van elke kleurband (mm) |
|---|---|---|
| Paalvlag | 1800×1200 | 300 |
| Lessenaarvlag / handgehoude vlag | 150×100 | 25 |
| Motorvlag | 300×200 | 50 |
Geskiedkundige vlae
-
Vlag van Nederlands-Mauritius; Vlag van die Verenigde Oos-Indiese Kompanjie, 1638 tot 1710 -
Vlag van Isle de France; Koninklike standaard van die Franse koning, 1715 tot 1792 -
Isle de France; Vlag van Frankryk, 1792 tot 1810 -
Vlag van Brits-Mauritius, 1810 tot 1869 -
Koloniale vlag, 1869 tot 1906 -
Koloniale vlag, 1906 tot 1923 -
Koloniale vlag, 1923 tot 1968 -
Vlag van die Goewerneur van Mauritius, 1906 tot 1968 -
Vlag van die goewerneur-generaal van Mauritius, 1968 tot 1992 -
Koningin Elizabeth se persoonlike Mauritiaanse vlag
.svg)
.svg)
.svg)
.svg)
.svg)
.svg)
Ander vlae
-
Vlag van Rodrigues
Verwysings
Eksterne skakels
| Wiki Commons bevat media in verband met Vlae van Mauritius. |
- (en) Mauritius by Flags of the World.
- (en) "Flag of Mauritius". Encyclopædia Britannica. Besoek op 14 Mei 2019.
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Vlag van Mauritius, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.