Viljoenshof
Viljoenshof is 'n gehuggie sowat 45 km suidwes van Bredasdorp in die Wes-Kaap geleë.
Dit is eers Wolfgat of Wolvengat genoem en is later hernoem ter ere van ds. D.J. Viljoen, predikant van die NG gemeente Bredasdorp van 1904 tot 1934.
Viljoenshof Wolvengat | |
|---|---|
  Viljoenshof Viljoenshof se ligging in Wes-Kaap | |
| Koördinate: 34°40′0″S 19°41′0″O / 34.66667°S 19.68333°O 19°41′0″O / 34.66667°S 19.68333°O | |
| Land |  Suid-Afrika |
| Provinsie | Wes-Kaap |
| Distrik | Overberg |
| Munisipaliteit | Overstrand |
| Oppervlak | |
| • Totaal | 1,36 km2 (0,53 vk. myl) |
| Bevolking (2011) | |
| • Totaal | 50 |
| • Digtheid | 37/km2 (100/vk. myl) |
| Rasverdeling (2011) | |
| • Wit mense | 43.1% |
| • Bruin mense | 41.2% |
| • Swart mense | 11.8% |
| • Ander | 3.9% |
| Taal (2011) | |
| • Afrikaans | 80.4% |
| • Engels | 19.6% |
Die aanvanklike naam Wolvengat verwys na die bruinhiëna of beter bekend as die strandwolf, wat volop was in die omgewing.
Die kern van die dorpie was die kerksaal, die skool en die handelspos wat ook die posagentskap ingesluit het. 'n Kerkhof waar geslagte Viljoenshoffers begrawe lê, voltooi die prentjie. Deesdae is dit nog net die handelspos, wat nou 'n algemene handelaar is, wat funksioneer. Die klem het intussen verskuif van 'n landbougemeenskap na 'n blyplek vir kunstenaars en skrywers - waarvoor dit uiteraard ideaal is.
Die skool is in die tagtigerjare gesluit en die laaste skoolhoof was mnr. Wessel Moolman, wat terselfdertyd ook die onderwyser was vir sy ses leerlinge van Sub A tot Standerd 5. Hy was ook die koster van die kerk, Kommissaris van Ede en moes dikwels die kerkdiens lei wanneer die predikant nie teenwoordig kon wees nie.
Sien ook
Verwysings
This article uses material from the Wikipedia Afrikaans article Viljoenshof, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.