Victoria-Wes
Victoria-Wes is 'n dorp in die sentrale Karoo-streek van die provinsie Noord-Kaap.
Dit is op die N12-roete geleë, op 'n hoogte van 1 300 meter. Dit is die setel van die Ubuntu Plaaslike Munisipaliteit in die Pixley ka Seme-distriksmunisipaliteit.
Victoria-Wes Victoria West | |
|---|---|
Dorp | |
 | |
 Wapen | |
  Victoria-Wes Victoria-Wes se ligging in Noord-Kaap | |
| Koördinate: 31°24′11″S 23°07′14″O / 31.40306°S 23.12056°O 23°07′14″O / 31.40306°S 23.12056°O | |
| Land |  Suid-Afrika |
| Provinsie | Noord-Kaap |
| Distrik | Pixley ka Seme |
| Munisipaliteit | Ubuntu |
| Stigting | 1844 |
| Oppervlak | |
| • Totaal | 78,95 km2 (30,48 vk. myl) |
| Bevolking (2011) | |
| • Totaal | 8 254 |
| • Digtheid | 105/km2 (270/vk. myl) |
| Rasverdeling (2011) | |
| • Wit mense | 5.6% |
| • Indiërs/Asiërs | 0.4% |
| • Bruin mense | 69.3% |
| • Swart mense | 23.7% |
| • Ander | 0.9% |
| Taal (2011) | |
| • Afrikaans | 82.1% |
| • Xhosa | 13.8% |
| • Engels | 1.1% |
| • Ander | 3.0% |
| Poskode (strate) | 7070 |
| Poskode (posbusse) | 7070 |
| Skakelkode | 053 |
Geskiedenis
Toe diamante in 1867 by Hopetown ontdek is, is 'n hoofpad teen 'n reghoek bo-oor die hoofstraat van Victoria-Wes gemaak. Hotelle, winkels en selfs 'n koerant is opgerig. Die spoorweg het 12 km van die dorp af verbygeloop en Victoria-Wes moes tevrede wees met 'n spoorweghalte met die koddige naam Victoria-Wes-Weg en 'n swak grondpad dorp toe.
NG gemeente
Die dorp het sy ontstaan te danke aan die voorstelling in April 1844 van die eerste kerkraadslede, wat dadelik oorgegaan het om grond aan te koop vir die aanlê van 'n dorp. Vir 23 000 riksdaalders (£1725) is die plaas Kapoksfontein en 'n deel van die plaas Zeekoegat aangekoop en op 28 Augustus 1844 besluit die kerkraad dat die "parochie . . . naar onze geliefde koningin 'Victoria' zoude genoem worde". Die getal belydende lidmate was in 1979 726, in 1990 566 en in 2007 465.
Besienswaardighede
Die Apollo-teater is die enigste oorblywende voorbeeld van 'n Art Deco-teater uit die dekade na 1950. Gereelde rolprentfeeste word hier aangebied. Die Handelspos en Mannetjies Roux-museum bied aandenkings van die legendariese Springbok-rugbyspeler te koop aan. Die Anglikaanse kerk, gebou in 1869, het twee pragtige gebrandskilderde ruite.
Daar is 'n wildreservaat buite die dorp met springbokke, elande, swartwildebeeste, blesbokke, gemsbokke en ander wild. Op 'n nabygeleë plaas is daar 'n aansienlike versameling ou motorkarre, onder meer stoomaangedrewe modelle en een van Adolf Hitler se koeëlvaste voertuie.
Bevolking
Volgens die World Gazetteer het Victoria-Wes se bevolking van 8 409 in 1996 tot 8 164 in 2007 afgeneem, maar weer tot 11 202 in 2008 toegeneem.
Sien ook
Verwysings
Bronne
Eksterne skakels
- Wiki Afrikaans
Wiki Commons het meer media in die kategorie Victoria-Wes. - Volledige inligting van die Noord-Kaapse Toerismeraad
- Alles oor die dorp
This article uses material from the Wikipedia Afrikaans article Victoria-Wes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.