Venezuela

Dit grens aan die Karibiese See en die Atlantiese Oseaan aan die noorde, Guyana aan die ooste, Brasilië aan die suide en Colombia aan die weste. Net noord van Venezuela lê die Karibiese lande van Aruba, Bonaire, Curaçao en Trinidad en Tobago.

República Bolivariana de Venezuela
Bolivariaanse Republiek Venezuela

Vlag Wapen
Nasionale leuse: Dios y Federación (Spaans vir: "God en Federasie")
Volkslied: Gloria al Bravo Pueblo (Spaans vir: "Eer aan die dapper mense")
Hoofstad	Caracas 10°30′N 66°58′W / 10.500°N 66.967°W / 10.500; -66.967
Grootste stad	Caracas
Amptelike tale	Spaans
Regering • President • Adjunkpresident	Federale presidensiële grondwetlike Sosiaal-Bolivariaanse republiek Nicolás Maduro (omstrede) Delcy Rodríguez
Onafhanklikheid • van Spanje • van Groot-Colombia • Erken • Huidige grondwet	5 Julie 1811 13 Januarie 1830 29 Maart 1845 15 Desember 1999
Oppervlakte  - Totaal    - Water (%)	916 445 km2  (32ste) 353 841 myl2 3,2
Bevolking  - 2021-skatting  - 2011-sensus  - Digtheid	31 568 179 (44ste) 28 199 867 33,74 / km2 (181ste) 87,4 / myl2
BBP (KKP)  - Totaal  - Per capita	2019-skatting geen data geen data
BBP (nominaal)  - Totaal  - Per capita	2013-skatting $76,458 miljard (51ste) $2 724 (93ste)
MOI (2017)	0,761 (78ste)  –  hoog
Gini (2006)	46,9 –  medium
Geldeenheid	Bolívar (VEF)
Tydsone  - Somertyd	VET (UTC-4) nie toegepas nie (UTC-4½)
Internet-TLD	.ve
Skakelkode	+58

 

Venezuela word verdeel in 23 deelstate (estados), een federale distrik (distrito capital) en een federale afhanklike (dependencias federales), gemerk deur 'n *:

 

Venezuela het 'n verskeidenheid van landskappe, soos die noordelike gedeeltes van die Andesgebergte in die noordweste en langs die noordelike Karibiese kus, waar die hoogste punt, die piek Pico Bolivar teen 'n hoogte van 5 007 m is. Noord van Venezuela se vasteland lê Los Roques, 'n reeks koraaleilande. Ook in die Noordweste is die laeveld gebiede rondom die Maracaibomeer en die Golf van Venezuela. Die sentrale deel van die land word gekenmerk deur uitgestrekte vlaktes genoem llanos wat strek van die Colombiaanse grens tot die rivierdelta van die Río Orinoco in die ooste. In die suide is die Hoogland van Guyana, tuiste van die Angel-val, die wêreld se hoogste waterval.

Die klimaat is tropies en oor die algemeen warm en vogtig, alhoewel meer gematig in die hooglande. Die hoofstad Caracas is ook die land se grootste stad. Ander groot stede is onder andere Maracaibo, Barquisimeto, Valencia, Maracay en Ciudad Guayana.

Venezuela het 'n tropiese klimaat, met 'n reënseisoen van April tot November en 'n droë seisoen van Desember tot Maart, asook 'n baie bestendige temperatuur. Die reënval en temperatuur toon binne die algemene klimaatbeeld egter aansienlike verskille, wat veral deur die verskille in hoogte veroorsaak word. Daar is ook plantegroeiverskille wat deels aan hoogteverskille toegeskryf kan word.

Die Orinoco-bekken en die laer dele van die hoogland van Guiana het ’n weelderige tropiese plantegroei, wat in die Llanos oorgaan in grasland en in die berge in subtropiese plantegroei, terwyl dit bo 1 500 m geleidelik 'n hooggebergteplantegroei kry.

Die yl bevolkte suidelike dele van Venezuela het 'n veelsoortige dierelewe met onder meer verskillende groot katagtiges, verskillende aapspesies, knaagdiere en reptiele. Die Orinocobekken het weer baie tropiese voëlspesies.

• Klein-Venedig
• Los Monjeseilande

• Wêreldspektrum, 1982, ISBN 0-908409-69-9, volume 28, bl. 57

• (en) Toerisme-inligting oor Venezuela op Wikivoyage
• (es) Gobierno en Línea Geargiveer 25 Junie 2001 op Wayback Machine – Amptelike staatswebwerf
• (es) Presidencia de la República de Venezuela Geargiveer 19 Maart 2009 op Wayback Machine – amptelike presidentswebwerf
• (es) Asamblea Nacional – Amptelike parlementêre webwerf
• (es) Banknote van Venezuela Geargiveer 9 Desember 2006 op Wayback Machine
• (es) Fotos van Venezuela Geargiveer 5 April 2005 op Wayback Machine
• (es) Isla Margarita, Venezuela Geargiveer 9 Februarie 2006 op Wayback Machine