Veldsteenkerk
Veldsteenkerke is kerkgeboue wat van swerfstene gebou is, meestal as dorpskerke op die platteland.
Een van die kenmerkendste veldsteenkerke, wat nie vir 'n dorpsgemeenskap opgerig is nie, is die kloosterkerk in Zinna. Soms word na massiewe veldsteenkerke valslik as weerkerke verwys, alhoewel hulle nie vir verdedigingsdoeleindes gebou is nie.
Verspreiding
Veldsteenkerke is uitsluitlik in gebiede opgerig waar gletsers op hulle pad kristalliene materiaal, dit wil sê afgebrokkelde gesteentes agtergelaat het en waar natuurstene uit steengroewe nouliks voorkom. In Duitsland hoort Sleeswyk-Holstein, Mecklenburg-Voorpommere, Sakse-Anhalt en Brandenburg met Berlyn by hierdie streke. Veldstene is daarnaas in Skandinawië, Pole, Finland en die Baltiese lande as boumateriaal gebruik. Swerfstene bestaan gewoonlik uit graniet, gneis of kwartsiete en word sowel in bewerkte asook onbewerkte toestand (dikwels in twee helftes gesplits) gebruik.
This article uses material from the Wikipedia Afrikaans article Veldsteenkerk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.