Die Valsbaai-natuurreservaat is sedert 2015 ‘n verklaarde Ramsar-vleiland.
Hierdie reservaat lê op die Kaapse Vlakte en omsluit Rondevlei en Zeekoevlei. Dit is nagenoeg 1 500 ha groot en is by die koördinate 34°4′S 18°30′O / 34.067°S 18.500°O geleë.
Zeekoevlei is ‘n woongebied, piekniek- en ontspanningsterrein en verskeie soorte watersport word hier beoefen. Rondevlei is ‘n beskermde gebied.
Ongeveer 256 inheemse plantspesies insluitende die uiters bedreigde en byna uitgestorwe Erica turgida en Erica verticillata groei in die gebied. Die Kaapse Vlakte sandfynbos en strandveld kom daar voor.
Belangrike bevolkings van soogdiere word hier aangetref: die seekoei, groototter, watermuishond, Kaapse grysbok, steenbok, vleirot (Otomys irroratus), grootkolmuskeljaatkat (Genetta tigrini) en kleingrysmuishond.
‘n Groot verskeidenheid voëlspesies kan hier waargeneem word: kleinstrandloper, kemphaan, bontelsie, gewone sterretjie, grootflamink en witpelikaan.
This article uses material from the Wikipedia Afrikaans article Valsbaai-natuurreservaat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.