Vaishnavisme
Vaishnavisme (van Sanskrit वैष्णव Vaiṣṇava, wat tot Vishnu behoort) is een van die vier groot tradisies in Hindoeïsme; die ander is Shaivisme, Shaktisme en Smartisme.
Dit word ook Vishnuïsme of Wisjnoeïsme genoem, en die volgelinge daarvan Vishnuïste of Wisjnoeïste; hulle beskou Vishnu as die oppergod.
Beskrywing
Die tradisie is veral bekend vir sy avatarleerstelling, waarin Vishnu in een van baie inkarnasies vereer word. Van hulle is 10 (die Dashavatara) die gewildstes en belangrikstes: Krishna, Rama, Narayana, Vasudeva, Hari, Vithoba, Kesava, Madhava, Govinda en Jagannath. Die tradisie kan teruggespoor word na die 1ste millennium n.C. as Bhagavatisme, of Krishnaïsme. Latere ontwikkelings onder leiding van die heilige Ramananda het gelei tot ’n Rama-georiënteerde beweging, wat nou die grootste kloostergroep in Asië is. Die Vaishnava-tradisie het baie sampradayas (denominasies of subskole) wat wissel van die Middeleeuse Dvaita-skool van Madhvacharya tot die Vishishtadvaita-skool van Ramanuja. Nuwe bewegings is ook in die moderne tyd gestig, soos die Hare Krisjnas van Prabhupada.
Die tradisie is bekend vir die liefdevolle verering van ’n avatar van Vishnu (dikwels Krishna) en het ’n sleutelrol gespeel in die verspreiding van die Bhakti-beweging in die 2de millennium in Suid-Asië. Belangrike geskrifte in Vaishnavisme sluit in die Vedas, Upanishads, Bhagavad Gita, Pancaratra (Agama) en Bhagavata Purana.
Verwysings
Nog bronne
- Matchett, Freda (2001). Krishna, Lord or Avatara?: the relationship between Krishna and Vishnu. Routledge. ISBN 978-0700712816.
- Anna King (2005). The intimate other: love divine in Indic religions. Orient Blackswan. ISBN 978-81-250-2801-7.
- Avinash Patra (2011). Origin & Antiquity of the Cult of Lord Jagannath. Oxford University Press.
- Beck, Guy L. (2012), Alternative Krishnas: Regional and Vernacular Variations on a Hindu Deity, State University of New York Press, ISBN 978-0-7914-8341-1
- Jeaneane D. Fowler (2002). Perspectives of Reality: An Introduction to the Philosophy of Hinduism. Sussex Academic Press. ISBN 978-1-898723-94-3.
- Flood, Gavin (1996), An introduction to Hinduism, Cambridge University Press, ISBN 978-0-521-43878-0, https://books.google.com/books?id=KpIWhKnYmF0C
- Hawley, John Stratton: Three Bhakti Voices. Mirabai, Surdas, and Kabir in Their Time and Ours. 2nd impression. Oxford 2006
Eksterne skakels
- Encyclopædia Britannica, "Vaishnavism"
- Vaishnavisme Geargiveer 6 September 2019 op Wayback Machine
- Vaishnavisme (Heart of Hinduism)
- Who is Vishnu? Vrae en antwoorde Geargiveer 22 Julie 2010 op Wayback Machine (dvaita.org)
- Wiki Afrikaans
Wiki Commons het meer media in die kategorie Vaishnavisme. 
Hierdie artikel is vertaal uit die Engelse Wiki
This article uses material from the Wikipedia Afrikaans article Vaishnavisme, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.