Vaalputs in die Noord-Kaap is Suid-Afrika se enigste stortterrein vir kernafval.
Hierdie afgeleë stortplek lê by Gamoep, 30° 7′ 53″ suid, 18° 30′ oos en op ‘n hoogte van ‘n 1000m bo seevlak. Dit is suidoos van Springbok, noordwes van Loeriesfontein, Kliprand en Platbakkies (aan die R355-streeksroete) en noordoos van Kamieskroon. Die terrein is ongeveer 100km² groot, 16.5km van wes na oos en 6.5km van noord na suid.
Die staat het die plase Stofkloof en Vaalputs onteien en Kernkor (die Suid-Afrikaanse Kernenergiekorporasie) het dit in 1983 vir sy behoeftes ingeruim. Sedert Oktober 1986 word radio-aktiewe afval afkomstig van die Koeberg-kernkragsentrale hier geberg.
Omdat daar byna geen aardskuddings in die streek plaasvind nie, het die keuse op hierdie omgewing geval.
This article uses material from the Wikipedia Afrikaans article Vaalputs, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.