Die vaalhaai (Galeorhinus galeus) is 'n haai wat aan die weskus van Suid-Afrika en ook aan die suidkus tot by Port Elizabeth voorkom omrede dit koeler waters verkies.
Dit staan ook bekend as die sopvinhaai en in Engels as die soupfin shark.
Vaalhaai | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Klas: | |
Subklas: | |
Orde: | |
Familie: | |
Genus: | Galeorhinus Blainville, 1816 |
Spesie: | G. galeus |
Binomiale naam | |
Galeorhinus galeus (Linnaeus, 1758) | |
Die haai het 'n lang, grys liggaam met 'n skerp, gepunte snoet. Die pens is wit of roomkleurig. Die eerste dorsale vin is aansienlik groter as die tweede en die boonste gedeelte van die stert is groter as die onderste gedeelte. Die haaie weeg gemiddeld van 5 tot 15 kg en kan tot 30 kg swaar word.
Vaalhaaie kom voor in skole en is hoofsaaklik bodemvreters; hulle verkies klein vissies, seekat en tjokka. Hulle word hoofsaaklik gevang vanaf bote.
Die vaalhaai is tydens die Tweede Wêreldoorlog veral gejag vir sy lewer, wat 'n groot bron van vitamien A is; veral by Gansbaai waar 'n verwerkingsfabriek gebou was. Deesdae word die haai gejag vir sy vinne en vleis en word dit deur die IUBN geklassifiseer as 'n kwesbare spesie.
This article uses material from the Wikipedia Afrikaans article Vaalhaai, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.