V Hydrae (V Hya) is ’n koolstofster in die sterrebeeld Noordelike Waterslang.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
V Hydrae | ||||
’n Kunstenaarsvoorstelling van plasmabolle wat deur V Hydrae uitgeskiet word wanneer ’n onsigbare metgesel in ’n eksentrieke wentelbaan deur die buitenste lae van sy atmosfeer beweeg. | ||||
Sterrebeeld | Noordelike Waterslang | |||
Spektraaltipe | C6,3e-C7,5e(N6e) | |||
Soort | Rooireus | |||
Waarnemingsdata (Epog J2000) | ||||
Regte klimming | 10h 51m 37.25661s | |||
Deklinasie | −21° 15′ 00.3245″ | |||
Skynmagnitude (m) | 6-12,3 | |||
B-V-kleurindeks | +5,43 | |||
Besonderhede | ||||
Massa (M☉) | 1 (metgesel: <1) | |||
Radius (R☉) | 430 | |||
Ligsterkte (L☉) | 7 850 | |||
Temperatuur (K) | 2 650 | |||
Eienskappe | ||||
Veranderlikheid | SRa | |||
Ander name | ||||
V Hya, BD−20°3283, HIP 53085, 2MASS J10513724-2115002, IRAS 10491-2059, WDS J10516-2115 Die ligging van V Hydrae in die Noordelike Waterslang (Hydra). | ||||
|
V Hydrae is ’n halfreëlmatige veranderlike ster (SRa), en word soms beskou as ’n Mira-veranderlike. Dit pulseer met tussenposes van 530 dae en met ’n helderheid van tussen 1 en 2 magnitudes, maar toon ook verdowwings met tussenposes van sowat 6 160 dae wanneer sy magnitude tot onder 12 kan daal.
V Hydrae is ’n koolstofster in die asimptotiese reusetak (ART) wat meer koolstof as suurstof in sy atmosfeer het. Die tempo van massaverlies toon aan dit is naby die einde van sy ART-fase, en op die punt om sy hele atmosfeer te verloor en ’n planetêre newel te vorm. Dit word soms beskou as ’n post-ART-voorwerp.
V Hydrae het ’n sigbare dubbelster-reusemetgesel van spektraaltipe K0 met ’n magnitude van 11,5.
Dit het ook ’n onsigbare metgesel in ’n wentelbaan van 8,5 jaar. Daar word geglo die afname in helderheid elke 17 jaar kan veroorsaak word deur ’n wolk wat met die metgesel verbind word wat voor die reusester verbybeweeg.
V Hydrae skiet strale plasmabolle teen ’n hoë spoed uit en daar is ’n skyf materiaal om die ster. Omdat dit beskou word as aan die einde van sy ART-fase en die ster begin om ’n planetêre newel te vorm, kan die meganisme van die plasmabolle groter insig gee in die vorming van planetêre newels. Die plasma is soos koeëls materiaal wat uitskiet elke keer dat die onsigbare metgesel naby die reusester verbybeweeg in sy hoogs eksentrieke wentelbaan. Die materiaal word in verskillende wentelings in teenoorgestelde rigtings geskiet vanweë ’n ommeswaai in die uitskietmeganisme.
This article uses material from the Wikipedia Afrikaans article V Hydrae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.