Unión De Rugby De Buenos Aires

Die Unión de Rugby de Buenos Aires (Afr: Buenos Aires Rugbyunie) , gewoonlik verwys na as URBA, is die Argentynse beheerliggaam wat rugbyunie in the Buenos Aires-streek organiseer en beheer (insluitende die hoofdistrik, Buenos Aires, en een span vanuit Rosario, Santa Fé).

Die oorblywende rugbyklubs uit die provinsie word versprei tussen vier verdere unies: Unión de Rugby del Oeste de Buenos Aires in die weste, Unión de Rugby del Centro de la Provincia de Buenos Aires in die sentrum, Unión de Rugby de Mar del Plata in die ooste en Unión de Rugby del Sur in die suide.

Unión de Rugby de Buenos Aires
2022
Sportsoort Rugby
Gestig 1995
Inwydingseisoen 1995
Deelnemende lande Vlag van Argentinië Argentinië

URBA is die grootste unie in Argentinië, met 76 klubs wat direk daarmee geafillieer is, en 15 wat as gaste meeding. Hierdie spanne ding mee in 7 kompetisies wat deur die liggaam georganiseer word, insluitende die Torneo de la URBA (Top 13), die oudste kompetisie in Argentinië. Die eerste kampioenskap is reeds in 1899 gehou.

Die unie beheer ook sy verteenwoordigende span, wat die meeste titels van die ontbinde Campeonato Argentino gewen het, met 37 titels.

Geskiedenis

Die "River Plate Rugby Union" (RPRU) is in 1899 in Buenos Aires gestig deur vier klubs, Buenos Aires Football Club, Belgrano Athletic Club, Lomas Athletic Club (Lomas AC) en Club Atlético del Rosario Die liggaam het daardie selfde jaar die eerste Buenos Aires interklubkompetisie gereël, met Lomas AC as die eerste Argentynse kampioen. In 1951 is die naam na "Unión Argentina de Rugby" verander, na 'n versoek deur die Argentynse Olimpiese komitee. Dit het terselfdertyd voortgegaan as 'n plaaslike federasie van Buenos Aires-klubs, en ook as nasionale federasie, wat erken is deur Wêreldrugby.

As gevolg van 'n herstrukturering van Argentynse rugby in 1995 is die "Unión de Rugby de Buenos Aires" geskep, met die doel om kompetisies te organiseer in die stadsdistrik en naaste dorpe soos San Isidro en La Plata, terwyl die oorblywende deel van die Buenos Aires-provinsie (insluitend digbevolkte stede soos Mar del Plata of Tandil) onder ander provinsiale unies gebly het. Daarom is die River Plate Rugby Union-kampioenskap herdoop na "Torneo de la URBA", wat voortgegaan het in dieselfde formaat, terwyl die UAR slegs nasionale spanne oorgeneem het.

Kompetisies

Met ingang 2021 word verskeie kompetisies deur URBA gereël. Die eerste divisie is die Torneo de la URBA (Top 13), wat beding word deur 12 klubs van die Buenos Aires-streek. Dit is ook die oudste rugbykompetisie in Argentinië, met sy eerste kompetisie wat in 1899 plaasgevind het.

Die URBA-ligastelsel word voltooi met Primera A (anders as wat sy naam aandui, is dit die tweede afdeling), Primera B (derde), Primera C (vierde), Segunda (vyfde), Tercera (sesde) en Desarrollo (sewe, die laagste vlak ).

Primera A tot Segunda het 14 spanne wat in elke afdeling meeding, terwyl daar onderskeidelik 12 spanne in Tercera, en 11 spanne in Desarrollo, meeding.

Ander kompetisies wat deur die URBA georganiseer word, is die "Universitario" (met 22 universiteitspanne wat in twee afdelings speel), "Femenino" (16 vrouespanne in twee afdelings), en "Empresarial" (27 spanne in twee afdelings). URBA het ook kompetisies vir O19-, O17-, O16- en O15-spanne.

URBA ligastelsel
Vlak Kompetisie # Aantal deelnemende spanne
1 Torneo de la URBA (Top 13) 12
2 Primera A 14
3 Primera B 14
4 Primera C 14
5 Segunda 14
6 Tercera 12
7 Desarrollo 11

Rugbyunie span

Die Buenos Aires-gebaseerde span, bekend as Las Águilas (Die Arende)– is die mees suksesvolle provinsiale span in Argentinië, met 37 Campeonato Argentino titels.

Titels

Plaaslik

  • Campeonato Argentino (37): 1962, 1963, 1964, 1966, 1967, 1968, 1969, 1970, 1971, 1972, 1973, 1974, 1975, 1976, 1977, 1978, 1979, 1980, 1981, 1982, 1983, 1984, 1986, 1991, 1994, 1996, 1998, 1999, 2000, 2002, 2003, 2006, 2007, 2008, 2015, 2016, 2017

Internasionaal

  • Wêreld Sewesrugby Klubkompetisie (1): 2014

Internasionale vriendskaplike wedstryde

Die URBA-span het ook verskeie internasionale vriendskaplike wedstryde gespeel teen nasionale spanne op toer deur Argentinië, met verskeie oorwinnings. Hieronder volg 'n lys van dié wedstryde:

Jaar Datum Teenstander Resultaat
1990 21 Julie ENGELAND 26–23
1993 30 Oktober SUID-AFRIKA 28–27
1996 15 Junie FRANKRYK 29–26
1997 24 Mei ENGELAND 23–21
1998 16 Junie FRANKRYK 36–22
1999 29 Mei WALLIS 31–29

Verwysings

Eksterne skakels

Tags:

Unión De Rugby De Buenos Aires GeskiedenisUnión De Rugby De Buenos Aires KompetisiesUnión De Rugby De Buenos Aires Rugbyunie spanUnión De Rugby De Buenos Aires VerwysingsUnión De Rugby De Buenos Aires Eksterne skakelsUnión De Rugby De Buenos AiresArgentiniëBuenos AiresRosarioRugbyunie

🔥 Trending searches on Wiki Afrikaans:

DoelwitBloukraanvoëlHomoniemTopografieNamibwoestynTransatlantiese slawehandelAkteurEkonomiese kwessies in Suid-AfrikaHaaieNelson MandelaPoësieGroepsdrukMikroörganismeDuitse maselsGewerweldesLeierAfrikaKwashiorkorVoedselkettingDwelmmiddelEienaamEenvoudige hangbrugGrondwet van Suid-AfrikaGodsdiensKollegeSeksuele penetrasieHabitatMasturbasieNedersettingSkildklierGrondbeginsels van die Afrikaanse spellingKewerYsterNederlandsLugbesoedelingAssonansieUitstelVolstruisSpanbandbrugLys van kleureByTweede WêreldoorlogSebraGodsdiens in Suid-AfrikaLys van Afrikaanse rolprenteAborsieSuid-Afrikaanse pondPikkewynGeskiedenis van die BoererepubliekeSeekatStikstofsiklusKrokodilDolfynLys van chemiese elemente volgens atoomgetalMIVPankreasWalvisArendGeestesgesondheidTimboektoeXenofobie in Suid-AfrikaBeesKunselementeEngelandBiodiversiteitLongKwitansieOsoonlaagKitsbankGewone breukeOrthopteraKarnivoorDeelteken en umlautHerfsProstaatkanker🡆 More