Ulsan

Dit is in die suidooste van die land geleë, met die buurstad Busan in die suide en teenoor Gyeongju in die noorde. Dit was een van die gasheerstede tydens beide die FIFA Sokker-Konfederasiebeker in 2001 en FIFA Sokker-Wêreldbekertoernooi in 2002 wat Japan en Suid-Korea saam aangebied het.

Ulsan 울산광역시
Kaart	Wapen
	Vlag
Land	Suid-Korea
Streek	Yeongnam
Koördinate	35°33′N 129°19′O / 35.550°N 129.317°O / 35.550; 129.317
Stigting	1642
Oppervlakte:
- Totaal	1 057,136 vk km
Hoogte bo seevlak	1 m
Bevolking:
- Totaal (2015)	1 199 717
- Bevolkingsdigtheid	1 000/vk km
Tydsone	UTC +9 (KST)
Burgemeester	Song Cheol-ho
Amptelike webwerf	ulsan.go.kr

 

Ulsan is die nywerheidsreus van Suid-Korea, wat die hart vorm van Ulsan se industriële distrik. Dit is die tuiste van die wêreld se grootste motorvervaardigingsaanleg wat deur die Hyundai Motormaatskappy bedryf word, die wêreld se grootste skeepswerf wat deur Hyundai Heavy Industries bedryf word, en die wêreld se tweede grootste olieraffinadery, wat deur SK Energy besit word.

Ulsan is aan die See van Japan geleë en beskik oor Suid-Korea se tweede belangrikste hawe ná die van Busan. In 2012 het Ulsan 'n BBP per capita van $ 79,623 gehad, die hoogste van enige streek in Suid-Korea.

Ulsan word in vier administratiewe distrikte (gu) en een county verdeel:

• Buk Distrik (북구; 北區)
• Dong Distrik (동구; 東區)
• Jung Distrik (중구; 中區)
• Nam Distrik (남구; 南區)
• Ulju County (울주군; 蔚州郡)

• (en) Toerisme-inligting oor Ulsan op Wikivoyage
• (ko) Amptelike webwerf