Cv-66 Uss America

USS America (CV-66)

supercarrier

Vaartuig klas	Kitty Hawk-class aircraft carrier
Vernoem na	Verenigde State
Geografiese ligging
Operateur	Amerikaanse Vloot
Vervaardiger	Newport News Shipbuilding
Ligging van vervaardiging	Newport News
Openingsdatum	1 Februarie 1964
Tuishawe	Naval Station Norfolk
Vlagstaat	Verenigde State
Roepsein	NUSA
Teken nommer	CV-66

Dit was die derde en laaste skip van die drieledige Kitty Hawk-klas en was die eerste van die drie wat uit diens gestel is. Die skip het van 1965 tot 1996 gedien.

 

Die USS America was een van die vliegdekskepe wat oorspronklik in die kernaangedrewe Enterprise-klas gebou sou word. Die koste van die bou van sy vlagskip, die USS Enterprise, het egter hoog geloop, en die skip is saam met vyf ander gekanselleer. Die America is toe in die Kitty Hawk-klas bestel met konvensionele stoomturbines as aandrywing. Die kiel is in 1961 neergelê. Die skip is drie jaar later te water gelaat, en in 1965 in diens van die Amerikaanse Vloot gestel. Op 5 April dieselde jaar is die eerste vliegtuig vanaf die skip gelanseer.

Die USS America was betrokke in die volgende dekades by die Viëtnamoorlog, die konflik met Libië in 1986, die Eerste Golfoorlog en die oorlog in Bosnië en Herzegowina in die middel-1990s. Die America is in 1996 uit diens onttrek ná besnoeiings aan die einde van die Koue Oorlog. Op 14 Mei 2005 is dit doelbewus tydens aanvalsoefeninge gesink. Dit lê nou onder in die Atlantiese Oseaan, ongeveer 450 kilometer van die kus van Virginië.