Tweevlerkiges

Die naam Diptera is van Grieks afgelei: di = twee, en ptera = vlerke.

Diptera
Verskillende soorte tweevlerkiges
Wetenskaplike klassifikasie
Koninkryk:	Animalia
Filum:	Arthropoda
Subfilum:	Mandibulata
Klas:	Insecta
Subklas:	Pterygota
Infraklas:	Neoptera
Superorde:	Endopterygota
Orde:	Diptera Linnaeus, 1758
Subordes
Nematocera Brachycera

Tweevlerkiges kom wêreldwyd voor en word deur honderdduisende spesies verteenwoordig, wat in verskillende vorme voorkom en 'n breë spektrum van lewenswyses dek. Vlieë (Brachycera) en muggies (Nematocera) is soms moeilik uitkenbaar, omdat muggieagtige (fyn) vlieë baie soos vliegagtige (grofgeboude) muggies lyk.

Alle ander ordes van insekte (behalwe die baie klein orde van Strepsiptera) het nul of vier vlerke. Die tweede paar vlerke van tweevlerkiges is tot halters gewysig. Halters is klein, soms knotsvormige orgaantjies agter die vlerke wat veral maklik by langpoot-muggies waargeneem kan word. Net soos ander insekte het die tweevlerkiges een paar pote per borssegment, wat beteken dat hulle ses pote het.

Die tweevlerkiges is een van die suksesvolste ordes van insekte; ongeveer 160 000 spesies is al beskryf. Hulle is dikwels goeie vlieërs met 'n kort lewensduur. Hulle ondergaan 'n volledige gedaanteverwisseling: die larwes wat uit die eiers broei is dikwels pootloos en wurmagtig. Vlieglarwes word maaiers genoem.

• Wiki Afrikaans  Wiki Commons het meer media in die kategorie Tweevlerkiges.
• Wiki Afrikaans  Wikispecies het meer inligting verwant aan Tweevlerkiges

  Hierdie artikel is ’n saadjie. Voel vry om Wikipedia te help deur dit uit te brei.