Die dorp Tweeling in die Oos-Vrystaat is tussen Reitz en Frankfort in die Riemland geleë.
Die dorp se swart woonbuurt Mafahlaneng, beteken insgelyk "plek van die tweeling". Tweeling is in 1918 gestig op die plase Tweelingspruit en Tweelingkop, en die dorp se naam verwys na twee eenderse koppies in die area. Naby die dorp is die historiese Geloftefeesterrein. Die NG-gemeente het in 1926 van drie aanliggende gemeentes afgestig.
Tweeling | |
---|---|
Koördinate: 27°33′S 28°31′O / 27.550°S 28.517°O 28°31′O / 27.550°S 28.517°O | |
Land | Suid-Afrika |
Provinsie | Vrystaat |
Distrik | Fezile Dabi |
Munisipaliteit | Mafube |
Stigting | 1918 |
Oppervlak | |
• Totaal | 2,83 km2 (1,09 vk. myl) |
Hoogte | 1 600 m (5 200 ft) |
Bevolking (2011) | |
• Totaal | 821 |
• Digtheid | 290/km2 (800/vk. myl) |
Rasverdeling (2011) | |
• Wit mense | 3,8% |
• Indiërs/Asiërs | 0,4% |
• Bruin mense | 1,7% |
• Swart mense | 93,9% |
• Ander | 0,1% |
Taal (2011) | |
• Suid-Sotho | 45,2% |
• Afrikaans | 36,1% |
• Zoeloe | 8,9% |
• Engels | 5,0% |
• Ander | 4,8% |
Poskode (strate) | 9820 |
Poskode (posbusse) | 9820 |
Skakelkode | 058 |
Die Liebenbergsvleirivier wat by tye water vanaf die Lesotho-Hoogland-waterprojek na die Vaaldam herlei, loop naby die dorp verby. Tweeling is die halfpadmerk in die jaarlikse Liebensbergvlei-kanomaraton. Die wedvaart van twee dae begin naby Reitz, en die eerste dagskof eindig 33 km stroomaf te Zorgvlietplaas, naby Tweeling. Die tweede skof begin te Bruinswickplaas noord van die dorp en eindig in Frankfort.
This article uses material from the Wikipedia Afrikaans article Tweeling, Vrystaat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.