Wildeposduif
Die wildeposduif of tuinduif (Columba livia) is verwant aan die kransduif en kom baie algemeen in Suid-Afrikaanse dorpe en stede voor.
| Wildeposduif | |
|---|---|
_in_Kolkata_I_IMG_9762.jpg) | |
| Volwasse C. l. intermedia in Indië | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | C. livia |
| Binomiale naam | |
| Columba livia Gmelin, 1789 | |
 | |
| Verspreiding | |
Broeityd is dwarsdeur die jaar en die lyste en vensterbanke van hoë stadsgeboue verskaf ideale nesmaakplekke. Stadsbewoners het die vestiging van hierdie en ander duifspesies aangemoedig deur graankorrels en broodkrummels vir hulle neer te sit.
Tuinduiwe is baie volop in stedelike gebiede. Hulle is waarskynlik oorspronklik van Nederland af hierheen gebring en later weer uit ander dele van Europa. Hulle word dikwels in groot swerms in stadsparke en ander groot gebiede aangetref, en is goed aangepas by die menslike leefwyse. Tuinduiwe het 'n las in baie stede geword, en is nie welkome inwoners nie, veral vanweë hulle gewoonte om die lysies en dakke van geboue met hulle mis te bevuil. Dit is van die min voëls waarvan die verspreiding byna uitsluitlik met menslike aktiwiteit saamhang.
Algemeen
Beskrywing: Verekleed wissel baie, en swart, blou, grys, wit, en rooibruin vorms kom voor. Die blou vorm is identies aan die voorouerlike rotsduif van Europa: blouerig grys met swart dwarsstrepe oor die vlerke en stert, 'n wit vlek op die kruis en glansende groen en pers aan die kante van die nek. Die wyfie is valer as die mannetjie, met minder glans aan die nek. Jong voëls is valer as die volwassenes.
Habitat: Stadsgebiede, maar broei ook op kuskranse in die Oos-Kaap.
Status: Talryke standvoël.
Soortgelyke spesies: Ander duiwe.
Roep: Tipiese vinnige ‘koe-roe-koe’ van 'n mak duif. Ook 'n diep nasale ‘ghoe-ghoe-ghoe’ by die nes.
Dieet: Saad, graan en kosreste.
Broeigewoontes
Plek: Lysies van geboue, of enige dakopeninge.
Nes: Die nes is 'n platform van stokkies, vere, plastiek en enigiets anders.
Seisoen: Enige maand van die jaar.
Getal eiers: 2.
Broeitydperk: Sowat 18 dae.
Kuikenstadium: Sowat 30 dae.
Habitat
Tuinduiwe sal geredelik in oop dele van die tuin kom vreet, maar die meeste mense wil hulle nie graag in die tuin hê nie, aangesien hulle enorme hoeveelhede kos van 'n voertafel kan verorber en geneig is om ander soorte voëls af te knou. Tuinduiwe rus ook graag op huisdakke en bevuil stoepe met hulle mis.
Kosvereistes: Hul dieet is feitlik heeltemal aangepas by die mens s'n. Hulle sal broodkrummels, saad, vrugte en enige iets eetbaars verorber. Die groot toename in hulle getalle en hulle vinnige verspreiding kan dus hoofsaaklik toegeskryf word aan die ruim geskenke van "vriendelike" mense.
Nesmaak: Tuinduiwe broei graag op 'n huis of buitegebou, aangesien daar geskikte lysies of openinge in die dakkappe is, maar die meeste mense ontmoedig hulle. Tog kan dit vermaaklik en leersaam wees om hulle broeisiklus op die vensterlysie van 'n woonstel of kantoorgebou dop te hou.
Sien ook
Verwysings
This article uses material from the Wikipedia Afrikaans article Wildeposduif, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.